Ваш гид в законодательстве Казахстана

Каз Рус

Печать

ҚР Экологиялық кодексi
301-бап. Полигондардың қабылдауына келмейтін қалдықтар

Ст. 301 ҚР Экологиялық кодексi 2007 жылғы 9 қаңтардағы N 212


Действующий с изменениями и дополнениями. Проверено 20.04.2018
1. Полигондарда мынадай қалдықтарды көму үшін қабылдауға тыйым салынады: 

1) сұйық қалдықтар; 

2) полигон жағдайында жарылатын, коррозиялы, қышқылданатын, өрт қаупі жоғары немесе өрт қаупі бар қауіпті қалдықтар; 

3) сумен реакцияға түсетін қалдықтар; 

4) медициналық немесе ветеринариялық мекемелердің жұқпалы болып табылатын қалдықтары; 

5) рекультивациялау кезiнде тұрақтандырушы материал ретiнде қолданылуын қоспағанда, пайдаланылған тұтастай шиналар және олардың бөліктері; 

6) жойылмайтын органикалық ластаушыларды қамтитын қалдықтар; 

7) пестицидтер; 

8) қабылдау критерийлерін қанағаттандырмайтын қалдықтар. 

РҚАО-ның ескертпесі!

9) және 10) тармақшалардың қолданысы ҚР 09.01.2007 N 212 Кодексінің 324-бабы 12-тармағына сәйкес 2018 жылғы 31 желтоқсанға дейін тоқтатыла тұрады.
9) пластмасса, пластика, полиэтилен қалдықтары және полиэтилентерефталат орамасы;
10) макулатура, картон және қағаз қалдықтары; 
 


11) құрамында сынап бар лампалар мен аспаптар; 

РҚАО-ның ескертпесі!

12) тармақшаның қолданысы ҚР 09.01.2007 N 212 Кодексінің 324-бабы 12-тармағына сәйкес 2018 жылғы 31 желтоқсанға дейін тоқтатыла тұрады.
12) шыны сынықтары; 
 


13) түсті және қара металдар сынықтары; 

14) алып тасталды - ҚР 05.04.2017 № 56-VI Заңымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі);

15) литий, қорғасын-қышқыл батареялары; 

16) электрондық және электр жабдықтары; 

17) алып тасталды - ҚР 05.04.2017 № 56-VI Заңымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі);

РҚАО-ның ескертпесі!

18) және 19) тармақшалардың қолданысы ҚР 09.01.2007 N 212 Кодексінің 324-бабы 12-тармағына сәйкес 2018 жылғы 31 желтоқсанға дейін тоқтатыла тұрады.
18) құрылыс материалдарының қалдықтары;
19) тамақ қалдықтары. 
 


2. Қабылдау критерийлерін орындау мақсатында қалдықтарды араластыруға тыйым салынады. 

3. Жергілікті атқарушы органдар биологиялық іритін қалдықтардың рециклингін, компостерлеу, өнім немесе энергия өндіру мақсатында биогаз өндіру және (немесе) пайдалану жөніндегі шараларды қоса алғанда, оларды көмуді қысқарту жөніндегі іс-шараларды ұйымдастырады. 

Ескерту. 301-бапқа өзгерістер енгізілді - ҚР 2011.12.03 N 505-IV (алғашқы ресми жарияланғанынан кейін күнтізбелік он күн өткен соң қолданысқа енгізіледі); 03.07.2013 № 124-V (алғашқы ресми жарияланғанынан кейін күнтізбелік он күн өткен соң қолданысқа енгізіледі); 28.04.2016 № 506-V (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі); 05.04.2017 № 56-VI (алғашқы ресми жарияланған күнінен кейін күнтізбелік он күн өткен соң қолданысқа енгізіледі) Заңдарымен.
Статья 1 ...299 300 301 302 303 ...326

Перейти к статье






Добавить комментарий к 301-бап ҚР Экологиялық кодексi 2007 жылғы 9 қаңтардағы N 212