Ваш гид в законодательстве Казахстана

Каз Рус
< Банкроттық туралы

Банкроттық туралы
65-бап. Жалпы ережелер



Ст. 65 Банкроттық туралы



1. Конкурстық iс жүргiзудiң, тарату рәсiмiнiң өткiзiлу мерзiмi сот шешiмiмен айқындалады және ол тоғыз айдан аспауға тиiс. Конкурстық басқарушының өтiнiшi бойынша кредиторлар комитетiнiң келiсiмiмен бұл мерзiмдi уәкiлеттi орган әрi кеткенде 3 айға ұзартуы мүмкiн.

Конкурстық iс жүргiзу мерзiмi борышкердi банкрот деп тану туралы сот шешiмi заңды күшiне енген күннен бастап есептеледi.

Бұл ретте, конкурстық басқарушының конкурстық iс жүргiзу мерзiмiн ұзарту туралы өтiнiшi уәкiлеттi органға конкурстық iс жүргiзудiң белгiленген мерзiмi өткенге дейiн кем дегенде күнтiзбелiк он бес күн бұрын жiберiледi.

2. Мүлкiнiң көлемi үлкен борышкердi тарату, дебиторлық берешектi өндiрiп алудың нақты мүмкiндiгiнiң, сот талқылауларының болуы, конкурстық басқарушының осы Заңның 5 және 6-баптарының талаптарын орындауы кезiнде немесе Қазақстан Республикасының Үкiметi конкурстық массаны өткiзудiң айрықша шарттары мен тәртiбiн белгiлеген жағдайларда, табиғи монополия субъектiлерi немесе тауар нарығында үстем (монополиялық) жағдайға ие нарық субъектiлерi болып табылатын не Республика экономикасы үшiн маңызды стратегиялық мәнi бар, азаматтардың өмiрiне, денсаулығына, ұлттық қауiпсiздiкке немесе қоршаған ортаға әсер ете алатын, сондай-ақ мемлекеттiң бастамасымен банкрот деп танылған ұйымдардың банкроттығы кезiнде конкурстық басқарушының өтiнiшi бойынша уәкiлеттi орган конкурстық iс жүргiзу мерзiмiн кредиторлар комитетiнiң келiсiмi бойынша көрсетiлген мән-жайларды ескере отырып, осы баптың 1-тармағында белгiленген мерзiмнен тыс он екi айға дейiнгi мерзiмге ұзартады.

Ескерту. 65-бап жаңа редакцияда - ҚР 2008.07.05. N 60-IV (қолданысқа енгiзiлу тәртiбiн 2-баптан қараңыз) Заңымен, өзгерiс енгiзiлдi - ҚР 2012.04.27 N 15-V (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен.

Статья 1 ...58 59 65 66 67 ...107 

Перейти к статье






Добавить комментарий к 65-бап Банкроттық туралы