Ваш гид в законодательстве Казахстана

Каз Рус
< Қайырымдылық туралы

Қайырымдылық туралы
12-бап. Қайырымдылық ұйымының кірістері мен шығыстары



Ст. 12 Қайырымдылық туралы 2015 жылғы 16 қарашадағы № 402-V ҚРЗ



 1. Қайырымдылық ұйымының кірістері мынадай көздер:

1) мүлікті, сондай-ақ оған құқықтарды сыйға тарту, өсиет етіп қалдыру немесе өтеусіз беру;

2) ерікті қайырмалдықтар;

3) қайырымдылық аукциондарынан, конкурстарынан түскен кірістер;

4) нысаналы капитал (эндаумент);

5) кәсіпкерлік қызметтен алынған кірістер;

6) қайырымдылық жасаушылардың жұмыстарды орындаудан, қызметтерді көрсетуден, жеке шығармашылық қызмет нәтижелерін беруден түскен кірістері;

7) қайырымдылық жасаушылардың қайырымдылық объектілерін күтіп-ұстау жөніндегі шығындарды өтеуі;

8) осы Заңда, Қазақстан Республикасының заңдарында, Қазақстан Республикасының халықаралық шарттарында көзделген басқа да көздер есебінен қалыптастырылады.

2. Қайырымдылық жасаушылар кірістерді:

1) бір жылдың ішінде бір рет немесе бірнеше рет қайырымдылық көмекке;

2) ұзақ мерзімді қайырымдылық көмекке;

3) әлеуметтік жарнаманы өткізуге жәрдемдесуге;

4) қайырымдылық ұйымының қызметін жүзеге асыруға;

5) осы Заңға, Қазақстан Республикасының заңдарында, Қазақстан Республикасының халықаралық шарттарына сәйкес басқа да іс-шараларға жұмсайды.

3. Осы Заңда көзделген жағдайларды қоспағанда, қайырымдылықты ұйымдастыру жөніндегі іс-шаралар қайырымдылық бағдарламасында көрсетіледі.

4. Ерікті қайырмалдықтар көрсету қайырымдылық бағдарламасында көрсетілмейді.

Статья 1 ...10 11 12 13 14 ...32 

Перейти к статье






Добавить комментарий к 12-бап Қайырымдылық туралы 2015 жылғы 16 қарашадағы № 402-V ҚРЗ