Ваш гид в законодательстве Казахстана

Каз Рус
< Табиғи және техногендiк сипаттағы төтенше жағдайлар туралы

Табиғи және техногендiк сипаттағы төтенше жағдайлар туралы
12-бап. Орталық мемлекеттiк органдардың табиғи және  техногендiк сипаттағы төтенше жағдайлар  саласындағы құзыретi



Ст. 12 Табиғи және техногендiк сипаттағы төтенше жағдайлар туралы



Орталық мемлекеттiк органдар өз құзыретi шегiнде:

- төтенше жағдайлардың алдын алу мен оларды жою жөнiндегi шараларды ұйымдастырады;

- төтенше жағдайлар саласындағы нормативтердi, стандарттар мен ережелердi бекiтедi немесе келiседi, мемлекеттiк есеп жүргiзедi және оның деректерiн уәкiлеттi органға табыс етедi;

- техникалық регламенттер әзiрлейдi және оларды әзiрлеуге қатысады;

- төтенше жағдайлар жөнiндегi салалық комиссиялар құрады және олардың жұмысын қамтамасыз етудi жүзеге асырады;

- өз қарамағындағы жағдайды қадағалайтын, бақылайтын және төтенше жағдайларды болжайтын қызметтерге басшылық етедi;

- салалық мемлекеттiк сараптама жүргiзедi, төтенше жағдайлар саласында ғылыми зерттеулер, бiлiмдi насихаттау, халықты және мамандарды оқытып-үйрету iсiн ұйымдастырады;

- салалық мемлекеттiк бақылауды ұйымдастырады, өз мiндеттерiне сәйкес жергiлiктi атқарушы органдарға, ұйымдар мен азаматтарға нұсқамалар бередi, төтенше жағдайлардың пайда болуына әкеп соққан аварияны, зiлзала мен апатты тексеруге қатысады, лауазымды адамдарды, азаматтар мен ұйымдарды белгiленген тәртiппен жауапқа тартады;

- төтенше жағдайлар саласындағы халықаралық ынтымақтастыққа қатысады;

- осы Заңда, Қазақстан Республикасының өзге де заңдарында, Қазақстан Республикасы Президентiнiң және Қазақстан Республикасы Үкiметiнiң актiлерiнде көзделген өзге де өкiлеттiктердi жүзеге асырады.

Ескерту. 12-бапқа өзгерту енгiзiлдi - ҚР 2004.12.20 N 13 (2005 жылғы 1 қаңтардан бастап күшiне енедi), 2006.12.29 N 209, 2011.07.05 N 452-IV (2011.10.13 қолданысқа енгiзiледi) Заңдарымен.  

Статья 1 ...10 11 12 13 14 ...39 

Перейти к статье






Добавить комментарий к 12-бап Табиғи және техногендiк сипаттағы төтенше жағдайлар туралы