Ваш гид в законодательстве Казахстана

Каз Рус

Азаматтық қорғаныс туралы
5-бап. Халықты, аумақтар мен шаруашылық жүргiзу объектiлерiн табиғи және техногендiк сипаттағы төтенше жағдайлардан қорғау жөнiндегi Азаматтық қорғаныс шаралары



Ст. 5 Азаматтық қорғаныс туралы



 Халықты, аумақтар мен шаруашылық жүргiзу объектiлерiн қорғау жөнiндегi Азаматтық қорғаныс iс-шаралары алдын ала жүргiзiледi және Қазақстан Республикасының орталық, жергiлiктi өкiлдi және атқарушы органдары, жергiлiктi өзiн-өзi басқару органдары, ұйымдары мен халқы үшiн мiндеттi болып табылады.  Халықты, аумақтар мен шаруашылық жүргiзу объектiлерiн табиғи және техногендiк сипаттағы төтенше жағдайлардан қорғау мақсатында:

1) уәкiлеттi орган:

халықты және аумақтарды табиғи және техногендiк сипаттағы төтенше жағдайлардан қорғау жөнiндегi перспективалық және ағымдағы жоспарларды және оларды жою жөнiндегi iс-қимыл жоспарларын әзiрлеудi, сондай-ақ оны Азаматтық қорғаныстың тиiстi бастықтарына бекiтуге берудi;

шаруашылық жүргiзу объектiлерiн табиғи және техногендiк сипаттағы төтенше жағдайлардан қорғау жөнiндегi перспективалық және ағымдағы жоспарларды және оларды жою жөнiндегi iс-қимыл жоспарларын бекiтудi;

шаруашылық жүргiзу объектiлерiнiң жұмыс iстеу тұрақтылығын арттыру және төтенше жағдайларда олардың қауiпсiздiгiн қамтамасыз ету жөнiндегi iс-шаралар кешенiн бекiтудi;

төтенше жағдайлар зардаптарының алдын алу және жою жөнiндегi күштер мен құралдарды жасауды, даярлауды және оларды қолдануға әзiрлiк жағдайында ұстауды, зардап шеккендерге көмек көрсетудi;

мониторинг жүйесiн ұйымдастыруды, халықты, аумақтар мен шаруашылық жүргiзу объектiлерiн техногендiк авариялар, ықтимал су тасқындары, селдер, көшкiндер мен басқа да қауiптi экзогендi құбылыстар туралы құлақтандыруды;

2) жергiлiктi атқарушы органдар:

ықтимал су тасқындарын, селдердi, көшкiндердi және басқа да қауiптi экзогендi құбылыстарды ескере отырып, аумақтарда құрылыс салуды жоспарлауды;

төтенше жағдайлар кезiнде баспанасыз қалған халық үшiн уақытша тұрғын үй резервiн жасауды;

тыныс-тiршiлiгiн қамтамасыз ету объектiлерiнде азық-түлiктiң, дәрi-дәрмектiң және материалдық-техникалық құралдардың қорларын жасауды;

3) ұйымдар:

шаруашылық жүргiзу объектiлерiн табиғи және техногендiк сипаттағы төтенше жағдайлардан қорғау жөнiндегi перспективалық және ағымдағы жоспарларды және оларды жою жөнiндегi iс-қимыл жоспарларын әзiрлеудi;

шаруашылық жүргiзу объектiлерiнiң жұмыс iстеу тұрақтылығын арттыру және төтенше жағдайларда олардың қауiпсiздiгiн қамтамасыз ету жөнiндегi iс-шаралар кешенiн әзiрлеудi;

төтенше жағдайлар зардаптарының алдын алу және жою жөнiндегi күштер мен құралдарды жасауды, даярлауды және оларды қолдануға әзiрлiк жағдайында ұстауды, зардап шеккендерге көмек көрсетудi;

мониторинг жүйесiн, персоналды, шаруашылық жүргiзу субъектiлерiн және халықты техногендiк авариялар туралы құлақтандыруды ұйымдастыруды;

ықтимал су тасқындарын, селдердi, көшкiндердi және басқа да қауiптi экзогендi құбылыстарды ескере отырып аумақтарда құрылыс салуды жоспарлауды;

тыныс-тiршiлiгiн қамтамасыз ету объектiлерiнде азық-түлiктiң, дәрi-дәрмектiң және материалдық-техникалық құралдардың қорларын жасауды жүргiзедi.

Ескерту. 5-бапқа өзгерту енгiзiлдi - Қазақстан Республикасының 2004.12.20 № 13 (2005 жылғы 1 қаңтардан бастап күшiне енедi), 2008.12.04 № 97-IV (қолданысқа енгiзiлу тәртiбiн 2-баптан қараңыз) Заңдарымен.

Статья 1 ...3 4 5 6 7 ...32 

Перейти к статье
Скачать бесплатно Азаматтық қорғаныс туралы 

Задать вопрос на юридическом форуме



Добавить комментарий к 5-бап Азаматтық қорғаныс туралы