Ваш гид в законодательстве Казахстана

Каз Рус
< Лотереялар және лотерея қызметі туралы

Лотереялар және лотерея қызметі туралы
10-бап. Лотереяны өткізу шарттары



Ст. 10 Лотереялар және лотерея қызметі туралы 2016 жылғы 9 сәуірдегі № 495-V ҚРЗ



 1. Лотереяны өткізу шарттарын лотерея операторы әзірлейді және бекітеді.

 2. Лотереяны өткізу шарттары мынадай мәліметтерді:

 1) лотереяның атауын;

 2) лотерея түрінің көрсетілуін;

 3) орналасқан жері, банктік деректемелері, бизнес сәйкестендіру нөмірі көрсетілген лотерея операторының атауын;

 4) лотерея өткізілетін мерзімдерді;

 5) лотерея тұжырымдамасының сипаттамасын;

 6) лотереяның ұйымдастырушылық-технологиялық сипаттамасын;

 7) лотереяға қатысушылардың құқықтары мен міндеттерін;

 8) ұтты деп танылған лотереяға қатысушыға ұтысты төлеу тәртібі мен мерзімдерін, сондай-ақ ұтыс шыққан лотерея билеттеріне, түбіртектерге немесе өзге де құжаттарға сараптама жүргізу мерзімдерін;

 9) лотереяға қатысушыларды лотереяға қатысу қағидалары және жүлде қорын ұтысқа салу нәтижелері туралы хабардар ету тәртібін;

 10) лотерея билеттерін, түбіртіктерді немесе өзге де құжаттарды тарату (өткізу), лотерея мөлшерлемелерін қабылдау мен тіркеу тәртібін;

 11) лотерея билетінің, түбіртектің немесе өзге де құжаттың (лотерея мөлшерлемелерінің мөлшерін) бағасын;

 12) ұтыстың мөлшері мен нысанын (ақшалай немесе заттай);

 13) жүлде қорының жоспарланып отырған мөлшерін;

 14) жүлде қорының ұтыс ойынын өткізу тәртібін, ұтыстарды айқындау алгоритмін, бас жүлдені (бар болса) қалыптастыру мен ұтысқа салу қағидаларын қамтуға тиіс.

 3. Лотерея операторы бекітілген лотереяны өткізу шарттарының тұпнұсқа данасын оны өткізу басталғанға дейін күнтізбелік он күннен кешіктірмей уәкілетті органға жіберуге және лотереяны өткізу шарттарын оны өткізу басталғанға дейін күнтізбелік бір күннен кешіктірмей өзінің интернет-ресурсында орналастыруға міндетті.

Статья 1 ...8 9 10 11 12 ...18 

Перейти к статье






Добавить комментарий к 10-бап Лотереялар және лотерея қызметі туралы 2016 жылғы 9 сәуірдегі № 495-V ҚРЗ