Ваш гид в законодательстве Казахстана

Каз Рус

Микрокредиттiк ұйымдар туралы
4-1-бап. Микрокредит бойынша жылдық тиiмдi сыйақы  ставкасын есептеу



Ст. 4-1 Микрокредиттiк ұйымдар туралы



1. Жылдық тиiмдi сыйақы ставкасы – микрокредиттi бергенi, қызмет көрсеткенi және оны өтегенi (қайтарғаны) үшiн микрокредиттiк ұйымға төлеуге жататын сыйақыны, бар болған кезде – комиссиялық және өзге де төлемдердi қамтитын, қарыз алушының шығыстарын ескере отырып есептелетiн микрокредит бойынша дәйектi, жылдық, тиiмдi, салыстырмалы түрде есептелген сыйақы ставкасы.

Микрокредит бойынша жылдық тиiмдi сыйақы ставкасының мөлшерi қаржы нарығы мен қаржылық ұйымдарды реттеудi және қадағалауды жүзеге асыратын уәкiлеттi мемлекеттiк органмен келiсiм бойынша Қазақстан Республикасы Ұлттық Банкiнiң нормативтiк құқықтық актiсiнде айқындалған шектi мөлшерден аспауға тиiс.



2. Микрокредиттiк ұйымдар жылдық тиiмдi сыйақы ставкасын микрокредит беру туралы шарттың тармағында көрсетедi, онда сыйақының жылдық ставкасының мөлшерi көрсетiледi.



3. Берiлетiн микрокредиттер бойынша жылдық тиiмдi сыйақы ставкасы мынадай формула бойынша есептеледi: (СЖС + ТЖС)/(БҚ/М)

ЖТСС = ----------------- x 12 x 100, мұнда:

М ЖТСС – микрокредит бойынша жылдық тиiмдi сыйақы ставкасы;

СЖС – микрокредиттi пайдаланудың бүкiл мерзiм iшiндегi сыйақының жалпы сомасы;

ТЖС – микрокредиттi пайдаланудың бүкiл мерзiмi iшiнде микрокредиттi бергенi, қызмет көрсеткенi және өтегенi (қайтарғаны) үшiн микрокредиттiк ұйымның комиссиялық және өзге де төлемдерiнiң жалпы сомасы;

БҚ – микрокредиттi пайдаланудың бүкiл мерзiмi iшiндегi микрокредит бойынша ай сайынғы берешек қалдықтарының жалпы сомасы;

М – микрокредиттi айлар бойынша өтеу мерзiмi.



4. Микрокредит бойынша жылдық тиiмдi сыйақы ставкасын есептеу кезiнде:



1) микрокредиттi өтеудiң бүкiл мерзiмi iшiндегi микрокредит бойынша сыйақы;



2) комиссиялық және өзге де төлемдер – микрокредит беру туралы шартқа сәйкес микрокредиттiк ұйымға төлеуге жататын микрокредиттi алуға, пайдалануға және өтеуге (қайтаруға) байланысты, микрокредит беру туралы шарт жасасқан кезде мөлшерi мен төлеу мерзiмдерi белгiлi болған қарыз алушының шығыстары ескерiледi.



5. Микрокредит бойынша жылдық тиiмдi сыйақы ставкасын есептеу кезiнде:



1) тұрақсыздық айыбы (айыппұл, өсiмпұл), оның iшiнде қарыз алушының микрокредит беру туралы шарттың талаптарын сақтамағаны үшiн;



2) микрокредитке қызмет көрсету бойынша микрокредит беру туралы шартта көзделген, шамасы және (немесе) төлеу мерзiмдерi шарт жасасқан күнi белгiсiз болған және қарыз алушының шешiмiне және (немесе) оның жасаған әрекетiне (микрокредиттi мерзiмiнен бұрын толық немесе iшiнара өтеу) байланысты төлемдер ескерiлмейдi.



6. Қарыз алушының ақшалай мiндеттемелерiнiң сомасын (мөлшерiн) және (немесе) оларды төлеу мерзiмдерiн өзгертуге әкеп соғатын микрокредит беру туралы шарттың талаптары өзгерген кезде жылдық тиiмдi сыйақы ставкасының нақтыланған мәнiн есептеу, микрокредит беру туралы шарттың қолданылу мерзiмi басталғанда қарыз алушы жүргiзген микрокредит бойынша төлемдер ескерiлмей, талаптары өзгертiлетiн күнгi микрокредиттi өтеудiң қалған мерзiмiндегi берешек қалдығы негiзге алынып жүргiзiледi.

 Ескерту. Заң 4-1-баппен толықтырылды - ҚР 2011.02.10 N 406-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен.  

Статья 1 ...3 4 4-1 5 6 ...22 

Перейти к статье
Скачать бесплатно Микрокредиттiк ұйымдар туралы 

Задать вопрос на юридическом форуме



Добавить комментарий к 4-1-бап Микрокредиттiк ұйымдар туралы