Ваш гид в законодательстве Казахстана

Каз Рус
< Микрокредиттiк ұйымдар туралы

Микрокредиттiк ұйымдар туралы
4-бап. Микрокредит беру туралы шарттың мiндеттi  талаптары және оны пайдалану



Ст. 4 Микрокредиттiк ұйымдар туралы




1. Микрокредит беру туралы шарт жазбаша нысанда жасалады, оның бiр данасын микрокредиттiк ұйым қарыз алушының кредиттiк досьесiнде сақтайды.



2. Микрокредит беру туралы шартта:

1) микрокредиттiк ұйымның толық атауы мен қарыз алушының тегiн, атын және әкесiнiң атын немесе толық атауын қоса алғанда, микрокредиттiк ұйым және қарыз алушы туралы мәлiметтер;



2) микрокредиттiң мақсаты (мақсатты микрокредит беру кезiнде);



3) берiлетiн микрокредиттiң жалпы сомасы;



4) микрокредиттi өтеу мерзiмдерi;



5) микрокредиттi өтеу тәсiлi (бiржолата не бөлшектеп);



5-1) микрокредит беру туралы шарттың нөмiрi мен жасалған күнi, микрокредиттi өтеу және сыйақы сомалары қамтылған кезектi төлемдердi өтеу күндерi және мөлшерлерi, келесi өтеу күнiне микрокредит сомасының қалдықтары көрсетiлген, сондай-ақ микрокредит беру туралы шартқа қол қойылған күнгi микрокредит пен сыйақының жалпы сомасы көрсетiлген микрокредит беру туралы шарт тараптарының екеуi де қол қойған микрокредиттi өтеу кестесi;



6) микрокредит беру туралы шарт бойынша (ол болған жағдайда) қарыз алушының мiндеттемелердi орындауын қамтамасыз ету;



7) микрокредит бойынша сыйақы ставкаларының мөлшерi, оның iшiнде осы Заңның 4-1-бабында белгiленген тәртiппен есептелген жылдық сыйақы ставкасының және жылдық тиiмдi сыйақы ставкасының мөлшерi (микрокредиттiң нақты құны);



8) тараптардың жауаптылығы;



9) Қазақстан Республикасының заңдарына сәйкес өзге де жағдайлар қамтылуға тиiс.



3. Мақсатты микрокредит беру жағдайларында микрокредиттiк ұйымның оның мақсатты пайдаланылуын бақылауды жүзеге асыруға құқығы бар, ал қарыз алушы микрокредиттiк ұйымның мұндай бақылауды жүзеге асыру мүмкiндiгiн қамтамасыз етуге мiндеттi.

Қарыз алушы микрокредиттi мақсатты пайдалану жөнiндегi мiндеттердi, сондай-ақ осы тармақтың бiрiншi бөлiгiнде көзделген мiндеттi орындамаған кезде микрокредиттiк ұйым микрокредит беру туралы шартты микрокредиттiң берiлмеген бөлiгiне сәйкес орындаудан бас тартуға және қарыз алушыдан микрокредиттi мерзiмiнен бұрын қайтаруды және ол бойынша сыйақыны талап етуге құқылы.

 Ескерту. 4-бапқа өзгерту енгiзiлдi - ҚР 2011.02.10 N 406-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен.  


Статья 1 2 3 4 4-1 5 ...22 

Перейти к статье






Добавить комментарий к 4-бап Микрокредиттiк ұйымдар туралы