Ваш гид в законодательстве Казахстана

Каз Рус
< Дiни сенiм бостандығы және дiни бiрлестiктер туралы

Дiни сенiм бостандығы және дiни бiрлестiктер туралы
4-2-бап. Миссионерлiк қызметтi жүзеге асыратын адамдарды есептiк тiркеу



Ст. 4-2 Дiни сенiм бостандығы және дiни бiрлестiктер туралы



Миссионерлiк қызметпен айналысатын адамдарды есептiк тiркеудi жергiлiктi атқарушы органдар жүргiзедi.

Қазақстан Республикасының аумағындағы миссионерлер жергiлiктi атқарушы органдарда жыл сайын қайта тiркеуден өтуге мiндеттi.

Миссионерлер есептiк тiркеу үшiн жергiлiктi атқарушы органға мынадай құжаттар мен материалдарды ұсынады:

1) ұстанатын дiнi, миссионерлiк қызмет аумағы мен мерзiмi көрсетiлген өтiнiш;

2) миссионерлiк қызметтi жүзеге асыру құқығына дiни бiрлестiк берген сенiмхаттың немесе өзге де құжаттың көшiрмесi;

3) тiркеу туралы куәлiктiң немесе миссионер оның атынан өкiлдiк ететiн дiни бiрлестiктiң өз елiнiң заңдарына сәйкес ресми тiркелгендiгiн куәландыратын өзге де құжаттың көшiрмесi;

4) Қазақстан Республикасында тiркелген дiни бiрлестiктiң жiберген шақыруы;

5) миссионерлiк қызметке арналған әдебиет, дiни мақсаттағы аудио-, бейне материалдар және (немесе) өзге де заттар. Есептiк тiркелгеннен кейiн дiни мазмұндағы материалдарды қосымша пайдалану жергiлiктi атқарушы органдармен келiсiледi.

Өтiнiш берушi көрсетiлген құжаттарды ұсынған кезде белгiленген тәртiппен тiркелген төлқұжатын немесе жеке басын куәландыратын өзге де құжатты көрсетедi.

Миссионерлiк қызметтi жүзеге асыратын тұлғаларды есептiк тiркеудi құжат берiлген күннен бастап жетi күннен аспайтын мерзiмде жергiлiктi атқарушы орган жүргiзедi.

Ескерту. 4-2-тармақпен толықтырылды - Қазақстан Республикасының 2005 жылғы 8 шiлдедегi N 67-III Заңымен (Заңның қолданысқа енгiзiлу тәртiбiн 2-баптан қараңыз).

Статья 1 ...4 4-1 4-2 5 6 ...24 

Перейти к статье






Добавить комментарий к 4-2-бап Дiни сенiм бостандығы және дiни бiрлестiктер туралы