Ваш гид в законодательстве Казахстана

Каз Рус

ҚР Қылмыстық Кодексi
192-бап. Жалған кәсiпкерлiк



Ст. 192 ҚР Қылмыстық Кодексi N 167 16.07.1997 жылғы



 1. Жалған кәсiпкерлiк, яғни кәсiпкерлiк немесе банктiк қызметтi жүзеге асыру ниетiнсiз кредиттер алу, салық төлеуден босатылу, өзге де мүлiктiк пайда алу немесе тыйым салынған қызметтi жасыру мақсаты бар, азаматқа, ұйымға немесе мемлекетке iрi зиян келтiрген коммерциялық ұйым құру, - бес жүзден сегiз жүз айлық есептiк көрсеткiшке дейiнгi мөлшерде немесе сотталған адамның үш айдан алты айға дейiнгi кезеңдегi жалақысының немесе өзге де табысының мөлшерiнде айыппұл салуға, не алты айға дейiнгi мерзiмге қамауға, не елуден жүз айлық есептiк көрсеткiшке дейiнгi мөлшерде немесе сотталған адамның бес айға дейiнгi кезеңдегi жалақысының немесе өзге табысының мөлшерiнде айыппұл салына отырып не онсыз үш жылға дейiнгi мерзiмге бас бостандығынан айыруға жазаланады.
 
2. Нақ сол әрекеттердi:
 
а) бiрнеше рет;
 
б) адамдар тобының алдын ала сөз байласуы бойынша жасаса;
 
в) мемлекеттiк функцияларды атқаруға уәкiлеттi адам не оған теңестiрiлген адам, егер оларды өз қызмет бабын пайдаланумен қатар жасаса, -
 
мүлкi тәркiленiп не онсыз үш жылдан жетi жылға дейiнгi мерзiмге бас бостандығынан айыруға жазаланады.
 
3. Осы баптың бiрiншi немесе екiншi бөлiктерiнде көзделген
әрекеттердi:
 
а) ұйымдасқан топ;
 
б) қылмыстық қоғамдастық (қылмыстық ұйым) жасаса, -
 
мүлкi тәркiленiп алты жылдан он жылға дейiнгi мерзiмге бас бостандығынан айыруға жазаланады.
 
Ескерту. 192-бап жаңа редакцияда - ҚР-ның 2007 жылғы 21 шiлдедегi N 308 Заңымен.

Статья 1 ...190 191 192 193 194 ...393 

Перейти к статье
Скачать бесплатно Қазақстан Республикасының Қылмыстық кодексi N 167 16.07.1997 жылғы 

Задать вопрос на юридическом форуме



Добавить комментарий к 192-бап ҚР Қылмыстық Кодексi N 167 16.07.1997 жылғы