1. Банкроттықты борышкердiң сотқа берген өтiнiшi негiзiнде сот белгiлейдi. 2. Банкроттық кредиторлардың немесе осы Заңмен уәкiлдiк берiлген өзге адамдардың сотқа берген өтiнiшi негiзiнде мәжбүр етiп белгiленедi. 3. Осы Заңда белгiленген жағдайларда борышкер өзiн банкрот деп тану туралы сотқа өтiнiш беруге мiндеттi. 4. Егер:

кредитордың салық және бюджетке төленетiн басқа да мiндеттi төлемдер жөнiндегi борышкердiң филиалдары мен өкiлдiктерiнiң берешегiн қоса алғанда, салықтық берешегi бойынша талабы тиiстi қаржы жылына арналған республикалық бюджет туралы заңда белгiленген жүз елу айлық есептiк көрсеткiштен кем болмайтын соманы құрайтын болса;

 өзге кредиторлардың борышкерге қоятын талабы жиынтығында дара кәсiпкерлерге – республикалық бюджет туралы заңда белгiленген үш жүз айлық есептiк көрсеткiштен кем болмайтын, заңды тұлғаларға – республикалық бюджет туралы заңда белгiленген бiр мың айлық есептiк көрсеткiштен кем болмайтын соманы құрайтын болса, онда банкроттық туралы iстердi сот қарайды.

Осы тармақтың талаптары осы Заңның 94-бабында көзделген жағдайларға қолданылмайды. 5. Егер Қазақстан Республикасы Азаматтық кодексiнiң (жалпы бөлiм) 49-бабының 1-тармағында белгiленген тәртiппен тарату туралы шешiм қабылданған заңды тұлға мүлкiнiң құны кредиторлардың талаптарын қанағаттандыруға жеткiлiксiз болса, мұндай заңды тұлға осы Заңда белгiленген ережелер бойынша сот тәртiбiмен таратылуға тиiс. 6. Осы Заңның 17-бабының 2-тармағында көзделген жағдайларда борышкердiң өтiнiш бермеуi борышкердiң басшысына борышкердiң кредиторлар алдындағы мiндеттемелерi бойынша субсидиялық жауапкершiлiктi қолдануға әкеп соғады. 7. Сот тәртiбiмен борышкердi банкрот деп жариялауға оның дәрменсiздiгi негiз болып табылады.

Дәрменсiздiк фактiсiн анықтау кезiнде борышкердiң орындау мерзiмi жеткен, сондай-ақ орындауға қабылданған және (немесе) орындалып жатқан мiндеттемелерi ескерiлуге тиiс.

Ескерту. 3-бапқа өзгерту енгiзiлдi - Қазақстан Республикасының 1998.07.01. N 256 , 2001.07.11. N 239 , 2006.01.10. N 115 (ресми жарияланған күнiнен бастап қолданысқа енгiзiледi), 2008.07.05. N 60-IV (қолданысқа енгiзiлу тәртiбiн 2-баптан қараңыз), 2011.01.11 № 385-IV (ресми жарияланғанынан кейiн күнтiзбелiк он күн өткен соң қолданысқа енгiзiледi) Заңдарымен.  

1. Оңалту рәсiмiн және конкурстық iс жүргiзудi жүзеге асыру мақсатына қол жеткiзу үшiн оларды жүргiзу кезеңiнде төлемге қабiлетсiз және дәрменсiз борышкердiң барлық органдары оны басқарудан шеттетiледi және борышкердiң мүлкi мен iстерiн басқару жөнiндегi өкiлеттiктер оңалтушы не конкурстық басқарушыға (таратушыға) берiледi.

Оңалтушы және конкурстық басқарушылар (таратушы) борышкердi басқарудың бiрден-бiр органы ретiнде әрекет етедi және өз өкiлеттiктерiн борышкердiң тұрған жерi бойынша жүзеге асыруға мiндеттi.

Осы тармақтың ережелерi осы Заңның 9-1-бабының 1-тармағында көзделген жағдайларға қолданылмайды.

2. Алып тасталды - ҚР 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен.

3. Оңалтуды және конкурсты басқарушылардың құқықтары мен мiндеттерi, оның iшiнде сыйақы алуға құқығы, дәрменсiз борышкердiң iстерi мен мүлкiн басқару жөнiндегi өкiлеттiктер көлемi осы Заңмен және уәкiлеттi органның келiсiмi бойынша кредиторлар комитетiнiң олармен жасасқан келiсiмiмен реттеледi.

4. Оңалтуды және (немесе) конкурсты басқарушылардың қызметiн жүзеге асыру мақсатында уәкiлеттi органда тiркелген дара кәсiпкер оңалтуды және конкурсты басқарушы болып тағайындалады.

Осы тармақтың талаптары осы Заңның 9-1-бабының 1-тармағында және 55-бабының 2-тармағында көзделген жағдайларға қолданылмайды.

Осы Заңда оңалтуды және (немесе) конкурсты басқарушыларға жүктелген өкiлеттiктердi өзге тұлғаларға беруге болмайды.

5. Оңалтуды және (немесе) конкурсты басқарушылардың және (немесе) сырттай байқау әкiмшiсi қызметiн жүзеге асыру мақсатында уәкiлеттi органда тiркеуден өту үшiн мынадай:

1) дара кәсiпкер ретiнде тiркелу;

2) жоғары заң немесе экономикалық бiлiмiнiң болуы;

3) бiлiм беру ұйымдарында оңалтуды, конкурсты басқарушылар, сырттай байқау әкiмшiсi қызметiн жүзеге асыру бойынша даярлықтан өту;

4) экономикалық, қаржы, есептiк-талдамалық, бақылау-тексеру, құқық қызметi салаларының бiрiнде не заңды тұлғаның бiрiншi басшысы лауазымында кемiнде үш жыл жұмыс тәжiрибесiнiң болуы талаптары белгiленедi.

6. Оңалтуды және (немесе) конкурсты басқарушылар және (немесе) сырттай байқау әкiмшiсi қызметiн жүзеге асыру мақсатында тiркеуден өту үшiн дара кәсiпкер уәкiлеттi органға мынадай құжаттарды:

1) өтiнiштi;

2) жеке басын куәландыратын құжаттың көшiрмесiн;

3) жоғары заң және (немесе) экономикалық бiлiмi туралы дипломдардың көшiрмелерiн;

4) оңалтуды, конкурсты басқарушылар, сырттай байқау әкiмшiсi қызметiн жүзеге асыру бойынша даярлықтан өткенiн растайтын, бiлiм беру ұйымы берген құжаттың көшiрмесiн;

5) еңбек қызметiн, оның iшiнде жұмыс өтiлiн растайтын құжаттардың көшiрмесiн;

6) өтiнiш берушiнiң тұрғылықты жерi бойынша, оны ұсынғанға дейiн кемiнде бiр ай бұрын берiлген соттылығының жоқтығы туралы анықтаманы;

7) өтiнiш берушiнiң тұрғылықты жерi бойынша оны ұсынғанға дейiн кемiнде бiр ай бұрын наркологиялық және психиатриялық диспансерлер берген медициналық анықтамаларды тапсырады.

Уәкiлеттi органға құжаттардың көшiрмелерi салыстырып тексеру үшiн түпнұсқасымен бiрге не құжаттардың нотариат куәландырған көшiрмелерi ұсынылады.

Уәкiлеттi органға тапсырылған барлық құжаттар тiзiмдеме бойынша қабылданады, оның көшiрмесi құжаттардың қабылданған күнi көрсетiле отырып, өтiнiш берушiге берiледi (жiберiледi).

Уәкiлеттi органда тiркелу кезiнде ұсынылған құжаттардың дәйектiлiгi үшiн дара кәсiпкер Қазақстан Республикасы заңдарында белгiленген жауаптылықта болады.

Уәкiлеттi орган тiркеудi осы тармақта бергiленген құжаттармен бiрге өтiнiш берiлген күннен бастап бес жұмыс күнiнен кешiктiрмей жүргiзедi.

Уәкiлеттi орган осы тармақта көзделген мерзiм iшiнде өтiнiш берушiге – тiркелгенi туралы растауды, ал тiркеуден бас тартқан жағдайда уәкiлеттi орган белгiлеген нысандар бойынша бас тартудың себептерi көрсетiлген дәлелдi жауап жiбередi.

7. Уәкiлеттi орган мынадай:

1) осы баптың 6-тармағына сәйкес талап етiлетiн барлық құжаттар тапсырылмаған;

2) өтiнiш берушi осы бапта белгiленген талаптарға сай болмаған;

3) өтiнiш берушiге қатысты осы қызмет түрiмен айналысуға тыйым салатын, заңды күшiне енген сот актiсi болған;

4) өтiнiш берушi бұрын осы баптың 8-тармағының 2), 3) және 4) тармақшаларында көзделген негiздердiң бiрi бойынша тiркеуден шығарылған.

Осы тармақшаның ережелерi осы баптың 8-тармағының 2) тармақшасында көзделген негiздер бойынша тiркеуден шығарылған өтiнiш берушiге үш жыл бойы қолданылады;

5) өтiнiш берушiнiң заңда белгiленген тәртiппен өтелмеген немесе алынбаған соттылығы бар болған;

6) өтiнiш берушi сот тәртiбiмен әрекетке қабiлетсiз не әрекетке қабiлетi шектеулi деп танылған жағдайларда тiркеуден бас тартады.

8. Оңалтуды және (немесе) конкурсты басқарушылар және (немесе) сырттай байқау әкiмшiсi қызметiн жүзеге асыру мақсатында тiркелген тұлғаны тiркеуден шығаруды уәкiлеттi орган мынадай:

1) тiркеуден шығару туралы өтiнiш ұсынылған;

2) осы Заңның осы бабы 12-тармағының 1) тармақшасында және (немесе) 41-1-бабы 3-тармағының 1) тармақшасында көзделген негiздер бойынша бiр жыл iшiнде бiрнеше рет шеттетiлген;

3) еңбекке уақытша жарамсыздығы салдарынан шеттетiлген жағдайларды қоспағанда, осы Заңның осы бабы 12-тармағының 2) және 3) тармақшаларында және 41-1-бабы 3-тармағының 2) және 3) тармақшаларында көзделген негiздердiң бiрi бойынша шеттетiлген;

4) тiркеу кезiнде оның дәйексiз мәлiметтер ұсыну фактiсi анықталған жағдайларда жүргiзедi.

9. Тiркеу туралы өтiнiште көрсетiлген деректер өзгерген кезде, уәкiлеттi органда тiркеуде тұрған тұлға уәкiлеттi органға өзгерiстер туралы он жұмыс күнi iшiнде хабарлауға мiндеттi.

10. Осы Заңның 2-бабының 4-тармағында көрсетiлген ұйымдардың банкроттық рәсiмдерiн жүзеге асыру кезiнде уәкiлеттi орган оңалтуды басқарушыны – табиғи монополиялар салаларында және реттелетiн нарықтарда басшылықты жүзеге асыратын мемлекеттiк органмен, тиiстi орталық атқарушы органмен келiсiм бойынша, ал қала құраушы кәсiпорындар бойынша – облыстың, республикалық маңызы бар қаланың, астананың тиiстi әкiмiмен келiсiм бойынша тағайындайды.

11. Оңалтуды және (немесе) конкурсты басқарушылар етiп:

1) осы Заңның 9-1-бабының 1-тармағында және 55-бабының 2-тармағында көзделгендерден басқа жағдайларда борышкер немесе кредитор әкiмшiлiгiнiң лауазымды адамын;

2) осы Заңның осы бабы 12-тармағының 1) тармақшасына сәйкес дәрменсiз борышкердiң мүлкi мен iстерiн басқарудан шеттетiлген және (немесе) 41-1-бабы 3-тармағының 1) тармақшасына сәйкес сырттай байқау рәсiмiн жүргiзуден шеттетiлген сәттен бастап бiр жыл өткенге дейiн шеттетiлген тұлғаны;

3) заңды тұлғаны банкрот деп тану туралы шешiм қабылданғанға дейiн бiр жылдан астам басқа заңды тұлғаның басшысы болған адамды.

Аталған шарт осындай шешiм қабылданған күннен кейiнгi бес жыл бойы қолданылады;

4) егер серiктестiк, акционерлiк қоғам не кооператив дәрменсiз борышкер немесе оның кредиторы болса, осындай шаруашылық серiктестiкке қатысушылар, акционерлiк қоғамның акционерлерi, кооператив мүшелерi. Осы тармақшаның ережесi осы Заңның 9-1-бабының 1-тармағында көзделген жағдайларға қолданылмайды;

5) жұбайы (зайыбы), осы тармақтың 1) тармақшасында көрсетiлген адамдардың жақын туыстарын тағайындауға болмайды.

12. Оңалтуды және (немесе) конкурсты басқарушыларды уәкiлеттi орган:

1) кредитордың немесе борышкердiң мүдделерiне залал келтiрген олардың осы Заңда белгiленген талаптарды бұзушылықтары тексеру нәтижелерi бойынша анықталған;

2) өз өкiлеттiктерiн орындау: қайтыс болуы; бiр айдан астам еңбекке уақытша жарамсыздығы; сот тәртiбiмен әрекетке қабiлетсiз немесе әрекетке қабiлетi шектеулi, хабарсыз кеткен деп танылуы не қаза болған деп жариялануы; оларға қатысты соттың айыптау үкiмiнiң заңды күшiне енуi салдарынан мүмкiн болмаған;

3) тiркелу кезiнде олардың дәйексiз мәлiметтердi ұсыну фактiсi анықталған;

4) өзi тағайындалғаннан кейiн күнтiзбелiк отыз күн iшiнде кредиторлар комитетiмен келiсiм жасамаған не кредиторлар комитетiмен жасалған келiсiм бұзылған жағдайларда дәрменсiз борышкердiң мүлкi мен iстерiн басқарудан шеттетуге тиiс.

Осы тармақтың 1) тармақшасында көзделген негiздер бойынша оңалтуды және (немесе) конкурсты басқарушыларды дәрменсiз борышкердiң мүлкi мен iстерiн басқарудан бiр жыл iшiнде бiрнеше рет шеттету және (немесе) осы тармақтың 2) және 3) тармақшаларында көзделген негiздердiң бiрi бойынша шеттету оларды барлық борышкерлерге қатысты осы Заңда көзделген өкiлеттiктердi орындаудан бiр мезгiлде шеттетуге әкеп соғады.

13. Оңалтуды және (немесе) конкурсты басқарушылар банкроттық рәсiмдерде дәрменсiз борышкерлердiң мүлкi мен iстерiн басқарудан өз еркi бойынша босату туралы өтiнiш ұсынған кезде кредиторлар комитетiнiң келiсiмiмен босатылады. Өтiнiшке кредиторлар комитетiмен келiсiлген олардың қызметi туралы есеп және кредиторлар комитетiнiң келiсiмi қоса берiледi.

Оңалтуды және (немесе) конкурсты басқарушылар жүктелген өкiлеттiктердi орындаудан шеттетiлген немесе босатылған жағдайда жаңадан тағайындалған оңалтуды және (немесе) конкурсты басқарушы алдыңғылардың құқық мирасқорлары болып табылады.

Ескерту. 9-бап жаңа редакцияда - ҚР 2011.07.15 N 461-IV (алғашқы ресми жарияланғанынан кейiн алты ай өткен соң қолданысқа енгiзiледi) Заңымен.  

1. Борышкер мүлкiнiң меншiк иесiнiң (ол уәкiлеттiк берген органның), құрылтайшылардың (қатысушылардың) өтiнiшi бойынша, кредиторлар жиналысының келiсiмiмен, оңалту жоспары бекiтiлген сәттен бастап сот борышкердiң мүлкi мен iстерiн басқару құқығын борышкер мүлкiнiң меншiк иесiнде, құрылтайшыларда (қатысушыларда) сақтайды.

Борышкердiң мүлкi мен iстерiн басқару құқықтарын сақтау туралы өтiнiш кредиторлар жиналысының шешiмi қоса тiркеле отырып, оңалту жоспарын ұсынумен бiр мезгiлде сотқа жiберiледi.

Кредиторлар жиналысы борышкер мүлкiнiң меншiк иесiнiң, құрылтайшылардың (қатысушылардың) борышкер мүлкi мен iстерiн басқару құқығының күшiн жою туралы шешiм қабылдаған жағдайда, кредиторлар жиналысы уәкiлеттi органда тiркелген тұлғалар арасынан өздерiнiң оңалтушы басқарушы кандидатурасын ұсынуға мiндеттi. Кредиторлар жиналысының борышкер мүлкi мен iстерiн басқару құқығының күшiн жою туралы шешiмi оңалту жоспарын ұсынумен бiр мезгiлде сотқа жiберiледi.

Борышкер мүлкiнiң меншiк иесi, құрылтайшылар (қатысушылар) борышкердiң мүлкi мен iстерiн басқарудан шеттетiлген жағдайда да кредиторлар жиналысы оңалтушы басқарушы кандидатурасын ұсынуға мiндеттi.

Борышкердiң мүлкi мен iстерiн басқару құқығы борышкер мүлкiнiң меншiк иесiнде, құрылтайшыларда (қатысушыларда) қалған жағдайда, осы Заңның 51-бабы 1-тармағының 1), 2), 3) тармақшаларын қоспағанда, борышкердiң органдарына заңнамада белгiленген құзырет шегiнде өкiлеттiктер және осы Заңда оңалтушы басқарушы үшiн көзделген жауапкершiлiк қолданылады.

Кредитор (кредиторлар) органның осы Заңда көзделген мiндеттердi бұзғанын анықтаған жағдайда, борышкер мүлкiнiң меншiк иесi (ол уәкiлеттiк берген орган), құрылтайшылар (қатысушылар) кредиторлар жиналысының шешiмi бойынша борышкердiң басқару органдарының мүшелерiн ауыстыруға мiндеттi.

2. Оңалтушы басқарушының кандидатурасын таңдаған кезде кредиторлар жиналысы уәкiлеттi органда есепте тұрған тұлғаларға қатысты ұсынымдарды дәрменсiз борышкердiң мүлкi мен iстерiн басқару жөнiндегi қызметтi жүзеге асыратын тұлғалардың кәсiптiк бiрлестiктерiнен алуы мүмкiн.

3. Уәкiлеттi орган кредиторлар жиналысы ұсынған кандидатураны оңалтушы басқарушы етiп тағайындауға мiндеттi.

4. Кредиторлық берешектi өтеу кестесi үш айдан астам мерзiмде орындалмаған және (немесе) уәкiлеттi орган анықтағандарды қоса алғанда, осы Заңды бұзушылықтар анықталған жағдайларда, сот борышкердiң мүлкi мен iстерiн басқару құқығын сақтаған борышкер мүлкiнiң меншiк иесiн, құрылтайшыларды (қатысушыларды) кредиторлар жиналысы уәкiлеттiк берген тұлғаның өтiнiшi бойынша өтiнiш келiп түскен күннен бастап он бес күн iшiнде басқарудан шеттетедi.

Сот ұйғарымында:

уәкiлеттi органға ұйғарым заңды күшiне енген күннен бастап бес күн мерзiмде оңалтушы басқарушыны тағайындауды тапсыру туралы;

борышкердiң есепке алу құжаттамасын, құрылтайшылық, сондай-ақ борышкер мүлкiне құқық белгiлейтiн құжаттарды, мөрлер мен мөртабандарды беруi туралы нұсқаулар қамтылуға тиiс.

 Ескерту. Заң 9-1-баппен толықтырылды - ҚР 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен.

 Уәкiлеттi орган:

1) оңалтуды және (немесе) конкурсты басқарушылар және (немесе) сырттай байқау әкiмшiсi қызметiн жүзеге асыру құқығы бар тұлғаларды тiркеудi және оларды тiркеуден шығаруды жүргiзедi;

2) алып тасталды - ҚР 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен;

3) оңалтушы, конкурстық басқарушыларды және сырттай байқау әкiмшiсiн тағайындайды және шеттетедi (босатады);

4) сырттай байқау рәсiмiнiң, оңалту рәсiмiнiң, конкурстық iс жүргiзудiң жүргiзiлуiн мемлекеттiк бақылауды жүзеге асырады;

5) - 8) алып тасталды - ҚР 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен;

9) оңалтушы басқарушының оңалту рәсiмiн жүргiзу барысы туралы (жасалған мәмiлелер туралы ақпаратты талап етедi) және конкурстық басқарушының конкурстық iс жүргiзу барысы туралы ағымдағы есептерiн, сондай-ақ сырттай байқау әкiмшiсiнiң сырттай байқау рәсiмiнiң жүргiзiлу барысы туралы ағымдағы есептерiн қарайды;

10) конкурстық басқарушының және сырттай байқау әкiмшiсiнiң қорытынды есептерiн келiседi;

11) алып тасталды - ҚР 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен;

12) сырттай байқау әкiмшiсiнiң, оңалтушы және конкурстық басқарушылардың қорытынды есебiнiң нысанын, сондай-ақ сырттай байқау әкiмшiсi мен конкурстық басқарушының қорытынды есебiн келiсу тәртiбiн бекiтедi;

13) конкурстық iс жүргiзу кезiнде, сондай-ақ сырттай байқау рәсiмi кезiнде кредиторлар комитетiнiң құрамын бекiтедi;

14) кредиторлар талаптарының тiзiлiмiн бекiтедi;

15) санацияға қатысушыдан растайтын құжаттарды талап етуге құқылы;

16) конкурстық iс жүргiзу мерзiмiн ұзартады;

17) алып тасталды - ҚР 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен;

18) осы Заңда белгiленген жағдайларда, оңалтушы, конкурстық басқарушыларды және сырттай байқау әкiмшiсiн шеттету туралы шешiм қабылдайды;

19) борышкердiң мүлкiн (активтерiн) сату жөнiндегi сауда-саттықтың жүргiзiлу тәртiбiнiң сақталуын бақылауды жүзеге асырады;

20) жалған және әдейi жасалған банкроттықтың белгiлерiн анықтайды;

21) оңалтушы, конкурстық басқарушылардың және сырттай байқау әкiмшiсiнiң iс-әрекеттерiне шағымдарды қарайды;

22) осы Заңның 6-бабында көрсетiлген мән-жайлар кезiнде жасалған мәмiлелердi анықтау жөнiнде шаралар қолданады;

23) сырттай байқау әкiмшiлерiн, оңалтушы және конкурстық басқарушыларды бiлiм беру ұйымы арқылы даярлау ережелерiн бекiтедi;

23-1) тiркеуге, тiркеуден шығаруға, тiркелген тұлғаның деректерiне өзгерiстер енгiзуге арналған өтiнiштердiң нысандарын, сондай-ақ тiркелгендiгiн растау және тiркеуден бас тарту нысандарын белгiлейдi;

24) оңалтуды және конкурсты басқарушыларды, сырттай байқау әкiмшiсiн тағайындау және шеттету тәртiбiн белгiлейдi;

24-1) алып тасталды - ҚР 2011.07.05 N 452-IV (2011.10.13 қолданысқа енгiзiледi) Заңымен;

25) мониторингтi, оның iшiнде борышкерден оның қаржы-шаруашылық қызметiне қатысты ақпаратты және құжаттарды талап ету арқылы жүзеге асырады;

26) мемлекеттiк органдардан және олардың лауазымды адамдарынан төлем қабiлетi жоқ және дәрменсiз борышкерлер туралы ақпаратты сұратады және алады;

27) осы Заңды бұзушылықтар анықталған жағдайда, сырттай байқау әкiмшiсiнiң, конкурстық және оңалтушы басқарушылардың шешiмдерi мен iс-әрекеттерiн (әрекетсiздiгiн) сотта даулайды;

28) Қазақстан Республикасының ақпараттандыру туралы заңнамасына сәйкес ақпараттық жүйелердi пайдалана отырып, электрондық қызметтер көрсетедi;

29) заңмен белгiленген жағдайларда және тәртiппен әкiмшiлiк құқық бұзушылықтар туралы хаттамалар жасайды және олар туралы iстердi қарайды, өз құзыретi шегiнде әкiмшiлiк жаза қолданады;

30) «Қазақстан Республикасындағы мемлекеттiк бақылау және қадағалау туралы» Қазақстан Республикасының Заңына сәйкес мiндеттi ведомстволық есептiлiктiң, тексеру парақтарының нысандарын, тәуекел дәрежесiн бағалау өлшемдерiн, тексерулер жүргiзудiң жартыжылдық жоспарларын әзiрлейдi және бекiтедi;

31) осы Заңда, Қазақстан Республикасының өзге де заңдарында, Қазақстан Республикасы Президентiнiң және Қазақстан Республикасы Үкiметiнiң актiлерiнде көзделген өзге де өкiлеттiктердi жүзеге асырады.

Ескерту. 10-2-бап жаңа редакцияда - ҚР 2008.07.05 N 60-IV (қолданысқа енгiзiлу тәртiбiн 2-баптан қараңыз), өзгерiс енгiзiлдi - 2009.07.17 N 188-IV (қолданысқа енгiзiлу тәртiбiн 2-баптан қараңыз), 2010.03.19 № 258-IV, 2011.01.06 N 378-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi), 2011.07.05 N 452-IV (2011.10.13 қолданысқа енгiзiледi), 2011.07.15 N 461-IV (алғашқы ресми жарияланғанынан кейiн алты ай өткен соң қолданысқа енгiзiледi), 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi), 2012.07.10 N 36-V (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңдарымен.

1. Уәкiлеттi органның сырттай байқау рәсiмiнiң, оңалту рәсiмiнiң, конкурстық iс жүргiзудiң жүргiзiлуiн мемлекеттiк бақылауының нысанасы тараптардың Қазақстан Республикасының банкроттық туралы заңнамасын сақтауы болып табылады.

Мемлекеттiк бақылау тексеру нысанында және өзге де нысандарда жүзеге асырылады.

Осы Заңның 10-4-бабында реттелмеген тексерулер мәселелерi «Қазақстан Республикасындағы мемлекеттiк бақылау және қадағалау туралы» Қазақстан Республикасының Заңымен регламенттеледi. Мемлекеттiк бақылаудың өзге де нысандары осы Заңға сәйкес жүзеге асырылады.

2. Осы баптың мақсаты үшiн сырттай байқау рәсiмiнiң, оңалту рәсiмiнiң, конкурстық iс жүргiзудiң тараптары деп кредиторлар, борышкер, мүлiктiң меншiк иесi немесе ол уәкiлеттiк берген орган, кредиторлар комитетi, сырттай байқау әкiмшiсi, конкурстық және оңалтушы басқарушылар түсiнiледi.

3. Уәкiлеттi орган мемлекеттiк бақылаудың өзге де нысандары шеңберiнде өз құзыретiн iске асыру мақсатында сауалдар жасауды жүзеге асыруға құқылы.

4. Мемлекеттiк бақылаудың өзге де нысандары мынадай:

 1) оңалтуды және (немесе) конкурсты басқарушылар және (немесе) сырттай байқау әкiмшiсi қызметiн жүзеге асыру мақсатында уәкiлеттi органда тiркелген тұлғаларды есепке алу;

2) мониторинг;

3) камералдық бақылау;

4) борышкердiң мүлкiн (активтерiн) сату бойынша сауда-саттықтың жүргiзiлу тәртiбiнiң сақталуын бақылау нысандарында жүзеге асырылады.

Ескерту. 10-3-бап жаңа редакцияда - 2009.07.17. N 188-IV (қолданысқа енгiзiлу тәртiбiн 2-баптан қараңыз) Заңымен, өзгерту енгiзiлдi - ҚР 2011.01.06 N 378-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi), 2011.07.15N 461-IV (алғашқы ресми жарияланғанынан кейiн алты ай өткен соң қолданысқа енгiзiледi) Заңдарымен.

1. Сырттай байқау рәсiмiнде, жеделдетiлген оңалту рәсiмiнде, оңалту рәсiмiнде, конкурстық iс жүргiзуде кредиторлардың мүдделерiн қамтамасыз ету және олардың қатысуымен шешiмдер қабылдау мақсатында кредиторлар комитетi құрылады.

Кредиторлар комитетiн қалыптастыру:

1) сырттай байқау кезiнде осы Заңның 41-2-бабымен;

2) конкурстық iс жүргiзу кезiнде осы Заңның 70-бабымен;

3) жеделдетiлген оңалту рәсiмi кезiнде осы Заңның 14-3-бабымен;

4) оңалту рәсiмi кезiнде осы Заңның 46-1-бабымен реттеледi.

2. Кредиторлар комитетiнiң құрамына еңбекақы төлеу, Мемлекеттiк әлеуметтiк сақтандыру қорына әлеуметтiк аударымдар бойынша кредиторлардың өкiлi, салық және бюджетке төленетiн басқа да мiндеттi төлемдер бойынша кредиторлар, кредитордың – мемлекеттiк материалдық резервтi басқару жөнiндегi уәкiлеттi органның өкiлi, сондай-ақ борышкерге қоятын талаптарының сомасы неғұрлым көп конкурстық кредиторлар мен кепiлдi кредиторлар кiредi.

Кредиторлар комитетiнiң қалыптастырылатын құрамына талаптарының сомасы қойылған өсiмақылар мен айыппұлдар сомасын есепке алмағанда, тиiстi бiртектi топ талаптарының жалпы сомасының елу пайызынан асатын бiртектi топ кредиторынан (кредиторларынан) ұсынылған тұлға (тұлғалар) енгiзiлуге тиiс.

3. Кредитор сырттай байқау рәсiмiне, оңалту рәсiмiне, конкурстық iс жүргiзуге кредиторлар комитетiнiң мүшесi ретiнде қатысудан бас тартуға құқылы.

4. Сырттай байқау әкiмшiсiнiң, конкурстық басқарушының, конкурстық iс жүргiзу кезiнде кредиторлар комитетiнiң, борышкер кредиторларының өтiнiшi бойынша уәкiлеттi орган кредиторлар комитетiнiң қалыптастырылған және бекiтiлген құрамына осы баптың талаптарын ескере отырып, өзгерiстер енгiзуi мүмкiн.

5. Мыналар:

1) кредиторлар комитетi мүшесiнiң кредиторлар комитетiнiң отырыстарына екi реттен артық дәлелсiз себептермен келмей қалуы;

2) борышкерге қоятын талаптарының үлкен сомасына ие кредитордың анықталуы;

3) кредиторлар комитетi мүшесiнiң өзiн кредиторлар комитетiнiң құрамынан шығару туралы өтiнiшi;

4) кредиторлар комитетiнiң құрамына кiретiн кредитордың алдындағы мiндеттемелердiң орындалуы;

5) кредитордың өзiн кредиторлар комитетiнiң құрамына қосу туралы өтiнiшi;

6) кредиторға кредиторлар комитетiнiң құрамында болуға кедергi келтiретiн өзге де мән-жайлар (заңды күшiне енген сот актiлерi, кредитордың таратылуы не қайтыс болуы және басқалар) кредиторлар комитетiнiң қалыптастырылған және бекiтiлген құрамына өзгерiстер енгiзудiң негiздерi бола алады.

Ескерту. 11-бап жаңа редакцияда - ҚР 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен.

1. Төлемге қабiлеттiлiктi қалпына келтiру, төлемге қабiлетсiздiктiң басталуының алдын алу мүмкiндiгi бар болған кезде борышкер жеделдетiлген оңалту рәсiмiн қолдану туралы сот органына жүгiнуге құқылы.

2. Борышкердiң өтiнiшi сотқа жазбаша нысанда берiледi. Оған борышкер басшысы не құрылтай құжаттарына сәйкес оны алмастыратын тұлға қол қояды.

3. Борышкердiң өтiнiшi:

1) өтiнiш берiлетiн соттың атауын;

2) кредиторлық берешек сомасы туралы мәлiметтердi;

3) кредиторлардың оңалту жоспарын мақұлдағаны туралы ақпаратты;

4) алдағы төлемдердi уақтылы өтеу мүмкiн еместiгiнiң себептерiн қоса алғанда, кредиторлар талаптарын қанағаттандыру мүмкiн еместiгiнiң негiздемесiн;

5) борышкерде бар мүлiк, оның iшiнде кепiл ауыртпалығы салынған, жалдауда және (немесе) лизингте тұрған мүлiк, банк шоттарындағы ақшалай қаражат туралы мәлiметтердi, шоттардың нөмiрлерiн және банктердiң тұрған жерiн, дебиторлық берешек сомасы туралы мәлiметтердi;

6) борышкердiң орындалу мерзiмi басталмаған мiндеттемелерi туралы мәлiметтердi;

7) шешiмдердi қабылдау үшiн қажеттi ақпаратты кредиторлар алдында ашуы туралы борышкердiң жазбаша мiндеттемесiн;

8) оңалту жоспарына енгiзiлмеген бiртектi кредиторлардың топтарына жататын кредиторлардың кәдiмгi коммерциялық операциялар шеңберiнде тиесiлi төлемдердi алатыны және ұсынылған оңалту жоспары олардың құқықтарын өзгертпейтiнi және қозғамайтыны туралы борышкердiң мiндеттемесiн;

9) қоса берiлетiн құжаттардың тiзбесiн қамтуға тиiс.

Борышкердiң өтiнiшiнде, егер борышкер олар сотта iстi қарау үшiн қажет деп есептесе, өзге де мәлiметтер көрсетiлуi мүмкiн.

Осы тармақтың 4), 5), 6), 8) тармақшаларының талаптары мемлекеттiк қолдау шараларының қатысушысы болып табылатын борышкерге қолданылмайды.

4. Жеделдетiлген оңалту рәсiмiне бастамашылық ету жөнiндегi шығыстар борышкердiң қаражаты есебiнен жабылады.

5. Борышкердiң жеделдетiлген оңалту рәсiмiн қолдану туралы өтiнiшiне:

1) мемлекеттiк баждың белгiленген тәртiппен және мөлшерде төленгенiн;

2) берешектiң бар-жоғын не оның басталғанын, сондай-ақ борышкердiң кредиторлар талаптарын қанағаттандыруға қабiлетсiздiгiн растайтын басқа да құжаттар;

3) борышкердiң өтiнiшi негiзделген өзге де мән-жайларды растайтын құжаттар қоса берiледi.

Мемлекеттiк қолдау шараларының қатысушысы болып табылатын борышкер осындай шаралар қатысушысының мәртебесiн растайтын құжатты қосымша түрде табыс етедi.

Осы тармақтың 2) тармақшасының талаптары мемлекеттiк қолдау шараларының қатысушысы болып табылатын борышкерге қолданылмайды.

6. Борышкердiң өтiнiшiне:

1) оңалту жоспары;

2) берешектiң сомасы, оның түзiлген күнi көрсетiлген және бiртектi кредиторлардың топтары бойынша бөлiнген кредиторлар тiзбесi;

3) отырыстың хаттамасы және (немесе) талаптарының сомасы оңалту жоспарына енгiзiлген бiртектi кредиторлардың әрбiр тобы (топтары) талаптарының жалпы сомасының елу пайызынан астамын құрайтын кредиторлардың оңалту жоспарын мақұлдағаны туралы жазбаша растауы;

4) борышкерге қойылған талап арыздарды соттардың iс жүргiзуге қабылдағаны туралы, сондай-ақ даусыз (акцептiсiз) есептен шығарылуға қойылған талаптар туралы мәлiметтер;

5) егер кредиторлар оңалту жоспарын қарау және келiсу кезеңiнде кредиторлар органын құрған болса, осындай орган мүшелерiнiң тiзiмi;

6) құрылтай құжаттарының көшiрмелерi де қоса берiледi.

Осы тармақтың 2), 3), 4) тармақшаларының талаптары мемлекеттiк қолдау шараларының қатысушысы болып табылатын борышкерге қолданылмайды.

7. Борышкердiң өтiнiшiне қоса берiлетiн барлық құжаттарға өтiнiш берген тұлға қол қояды және олар мөрмен куәландырылады.

8. Борышкердiң жеделдетiлген оңалту рәсiмiн қолдану туралы өтiнiшпен сотқа жүгiнуiн, егер:

1) борышкер осы Заңның 14-1-бабында белгiленген шарттарға сәйкес келмеген;

2) өтiнiш осы бапта белгiленген талаптарға сәйкес келмеген жағдайларда, сот қарамай қайтарады.  

1. Бiртектi кредиторлардың бүкiл тобының (топтарының) мүдделерiн қамтамасыз ету мақсатында жеделдетiлген оңалту рәсiмiне қатысатын кредиторлардың жиналысы шақырылады.

2. Кредиторлардың алғашқы жиналысы соттың жеделдетiлген оңалту рәсiмiн қолдану туралы шешiмi шығарылған сәттен бастап бiр айдан кешiктiрiлмейтiн мерзiмде өткiзiлуге тиiс.

3. Мемлекеттiк қолдау шараларының қатысушысы болып табылатын борышкерге жеделдетiлген оңалту рәсiмi қолданылған жағдайда, борышкердiң жоғарыда аталған шаралар шеңберiнде қалыптастырылған кредиторлар органына кредиторлар жиналысының және комитетiнiң осы Заңда белгiленген өкiлеттiктерi қолданылады.

4. Кредиторлардың жиналыстарын, кредиторлар комитетiнiң отырыстарын өткiзу, кредиторларды хабардар ету жөнiндегi шығыстар борышкердiң қаражаты есебiнен жабылады.

5. Кредиторлардың жиналысына қатысу құқығы кредиторларға, борышкерге, борышкер мүлкiнiң меншiк иесiне (ол уәкiлеттiк берген органға), құрылтайшыларға (қатысушыларға) немесе олардың өкiлдерiне тиесiлi.

6. Кредиторлар жиналысын ұйымдастыруды және өткiзудi борышкердiң немесе оны басқару органдарының тұрған жерi бойынша борышкер жүзеге асырады.

7. Осы Заңның мақсаттары үшiн кредиторларға, сондай-ақ кредиторлардың жиналысына қатысу құқығына ие өзге де тұлғаларға кредиторлар жиналысы өткiзiлетiнi туралы хабардың кредиторлар жиналысы өткiзiлетiн күнге дейiн жетi жұмыс күнi бұрын пошта арқылы тапсырыс хатпен жiберiлуi тиiсiнше хабардар ету болып танылады. Егер кредиторлар саны елуден астам болған жағдайда, кредиторлар жиналысы өткiзiлетiнi туралы хабардың Қазақстан Республикасының бүкiл аумағында және борышкер тұрған жерi бойынша тиiстi әкiмшiлiк-аумақтық бiрлiкте таратылатын, белгiленген тәртiппен нормативтiк құқықтық актiлердi ресми түрде жариялау құқығын алған мерзiмдi баспасөз басылымдарында кредиторлар жиналысы өткiзiлетiн күнге дейiн жетi жұмыс күнi бұрын қазақ және орыс тiлдерiнде жариялануы тиiсiнше хабардар ету болып танылады.

Тиiстi әкiмшiлiк-аумақтық бiрлiктен тыс жерде орналасқан кредитор үшiн кредиторға хабардың кредиторлар жиналысы өткiзiлетiн күнге дейiн жетi жұмыс күнi бұрын пошта арқылы тапсырыс хатпен жiберiлуi тиiсiнше хабардар ету болып танылады.

Тұрақты немесе көбiнесе тұратын жерi немесе тұрған жерi бойынша жеке хабардар ету үшiн қажет мәлiметтердi анықтау мүмкiн болмаған кезде не мұндай хабардар етудi мүмкiн емес ететiн өзге мән-жайлар болған кезде кредиторлар жиналысының өткiзiлетiнi туралы мәлiметтердi осы тармақтың бiрiншi бөлiгiнде белгiленген тәртiппен жариялау осындай тұлғаларды тиiсiнше хабардар ету болып танылады.

Борышкерде интернет-ресурс бар болған кезде, кредиторлар жиналысының өткiзiлетiнi туралы хабарламаны кредиторлар жиналысы өткiзуге дейiн жетi жұмыс күнi бұрын аталған интернет-ресурста жариялау мiндеттi болып табылады.

Кредиторлар жиналысының өткiзiлетiнi туралы хабарламада мынадай мәлiметтер:

1) борышкердiң атауы, тұрған жерi және оның мекенжайы;

2) кредиторлар жиналысының өткiзiлетiн күнi, уақыты және орны;

3) кредиторлар жиналысының күн тәртiбi;

4) кредиторлар жиналысының қарауына жататын материалдармен танысу тәртiбi қамтылуға тиiс.

8. Кредиторлар жиналысының қатысушысы немесе оның сенiмдi адамы жиналысқа тiкелей қатысуы мүмкiн болмаған жағдайда, осы Заңда көзделген жағдайларды қоспағанда, сырттай дауыс беруге құқылы.

Кредиторлар жиналысының қатысушысы сырттай дауыс беру тәсiлiн таңдаған жағдайда, ол жиналыс өткiзуге дейiн бес жұмыс күнi бұрын бұл туралы борышкерге хабарлауға тиiс.

Борышкер жиналыс өткiзуге дейiн үш жұмыс күнi бұрын күн тәртiбiне қатысты материалдарды кредиторлар жиналысының осындай қатысушысына танысу үшiн жiберуге немесе табыс етуге мiндеттi.

9. Кредиторлар жиналысына қатысатын кредиторлар өз талаптарының жиналысқа қатысушы кредиторлар талаптарының жалпы сомасына қатысты барабар мөлшерiнде дауысқа ие болады.

Мiндеттемелердi орындамағаны не тиiсiнше орындамағаны үшiн қолданылуға жататын тұрақсыздық төлемi (айыппұлдар, өсiмпұлдар), төлемнiң мерзiмiн өткiзiп алғаны үшiн пайыздар, қолдан шығарылған пайда түрiндегi шығындар, сондай-ақ өзге де мүлiктiк және (немесе) қаржылық санкциялар кредиторлардың жиналысында дауыстар санын анықтау мақсаты үшiн есепке алынбайды.

10. Кредиторлар жиналысы оған оңалту жоспарына енгiзiлген бiртектi кредиторлардың әрбiр тобының жалпы дауыс санының кемiнде жетпiс бес пайызын құрайтын дауыс санына ие кредиторлар қатысқан жағдайда құқықты. Кредиторлардың қайтадан шақырылған жиналысы, кредиторлар жиналысының өткiзiлу уақыты мен орны туралы кредиторлар тиiсiнше хабардар етiлген жағдайда, оған оңалту жоспарына енгiзiлген бiртектi кредиторлардың әрбiр тобының жалпы дауыс санының жартысынан астамына ие кредиторлар қатысқан жағдайда құқықты.

11. Кредиторлар жиналысының шешiмдерi кредиторлар жиналысына қатысатын кредиторлардың жалпы дауыс санының көпшiлiк даусымен қабылданады.

12. Кредиторлар жиналысының хаттамасы екi данада жасалады, оның бiреуi сотқа, екiншiсi кредиторлар комитетiне берiледi.

 Кредиторлар жиналысының хаттамасына:

жиналысқа қатысушылар өкiлдерiнiң өкiлеттiктерiн растайтын құжаттардың

жиналысқа қатысушыларға танысу және (немесе) бекiту үшiн ұсынылған материалдардың

кредиторлар жиналысының өткiзiлу күнi мен орны туралы кредиторлардың тиiсiнше хабардар етiлгенiн айғақтайтын дәлелдемелер болып табылатын құжаттардың

борышкердiң қалауы бойынша өзге құжаттардың көшiрмелерi қоса тiркелуге тиiс.

13. Кредиторлар жиналысының ерекше құзыретiне:

1) кредиторлар комитетiнiң санын айқындау, құрамын қалыптастыру және бекiту;

2) кредиторлар комитетiнiң құрамына өзгерiстер енгiзу;

3) оңалту жоспарына өзгерiстер мен толықтыруларды келiсу;

4) кредиторлар комитетi мүшелерiнiң жеделдетiлген оңалту рәсiмiн жүзеге асыру барысы туралы ақпаратты кредиторлардың назарына жеткiзу тәртiбiн айқындау;

5) оңалту жоспарында көзделмеген, кәдiмгi коммерциялық операциялар шеңберiнен тыс мәмiлелердi келiсу;

6) жеделдетiлген оңалту рәсiмiн ұзартуды келiсу;

7) қорытынды есептi келiсу;

8) осы Заңда көзделген өзге де өкiлеттiктер жатады.

14. Кредиторлар жиналысының құзыретiне кiретiн, осы баптың 13-тармағының 3) және 6) тармақшаларында көзделген мәселелер бойынша шешiмдер қабылдау кезiнде сырттай дауыс беруге жол берiлмейдi.

15. Кредиторлар комитетiнiң отырысы, оны өткiзу және шешiмдердi қабылдау осы Заңның 14-бабында белгiленген тәртiппен жүргiзiледi.  

1. Сот осы Заңның 14-2-бабында белгiленген талаптарға сай келетiн, жеделдетiлген оңалту рәсiмiн қолдану туралы өтiнiштi алып, өтiнiш келiп түскеннен кейiн бес жұмыс күнiнен кешiктiрмей iстi қозғау туралы ұйғарым шығарады.

2. Жеделдетiлген оңалту туралы iс бойынша iс жүргiзу қозғалған сәттен бастап:

1) борышкер мүлкiнiң меншiк иесiне (ол уәкiлеттiк берген органға), құрылтайшыларға (қатысушыларға), заңды тұлғаның барлық органдарына мүлiктi кәдiмгi коммерциялық операциялар шеңберiнен тыс пайдалануға және өткiзуге тыйым салынады;

2) оңалту жоспарына енгiзiлген бiртектi кредиторлар тобына кiретiн кредиторлардың, сондай-ақ борышкер мүлкiнiң меншiк иелерiнiң (олар уәкiлеттiк берген органдардың), құрылтайшылардың (қатысушылардың) борышкер мүлкiне қатысты талап арыздары бойынша соттардың, аралық соттардың бұрын қабылданған шешiмдерiн орындау тоқтатыла тұрады;

3) оңалту жоспарына енгiзiлген бiртектi кредиторлар тобына кiретiн кредитордың (кредиторлардың) өтiнiшi бойынша банкроттық туралы iс қозғауға жол берiлмейдi;

4) борышкер мемлекеттiк қолдау шараларының қатысушысы мәртебесiн алған жағдайда, кредитордың (кредиторлардың) өтiнiшi бойынша банкроттық туралы iс қозғауға жол берiлмейдi;

5) борышкер оңалту жоспарына енгiзiлген бiртектi кредиторлар тобының әрбiр кредиторына iс бойынша iс жүргiзудiң қозғалғаны туралы хабарламаны бес жұмыс күнi iшiнде жiберуге мiндеттi;

6) кредиторлар хабарламада көрсетiлген кредиторлық берешек сомасымен келiспеген жағдайда, жеделдетiлген оңалту туралы iстi қарайтын сотқа хабарлама алған сәттен бастап бес жұмыс күнi iшiнде қарсылық жiберуге құқылы;

7) жеделдетiлген оңалту рәсiмiне тартылған кредиторлардың талаптары бойынша, оның iшiнде даусыз (акцептiсiз) тәртiппен қанағаттандыруға жататын талаптар бойынша борышкердiң банктiк шоттарынан ақшаны өндiрiп алуға, сондай-ақ борышкер мүлкiне өндiрiп алуды қолдануға жол берiлмейдi.

3. Борышкердiң кредиторларға жiберетiн хабарламасында:

1) жеделдетiлген оңалту туралы iстiң қозғалғаны туралы ақпарат;

2) жеделдетiлген оңалту туралы iс қозғау туралы ұйғарым шығарған соттың атауы және оның тұрған жерi;

3) жеделдетiлген оңалту рәсiмiн қолдану туралы өтiнiшке қоса тiркелген құжаттарда көрсетiлген кредитор талаптарының сомасы, сондай-ақ жеделдетiлген оңалту рәсiмiне қатысатын бiртектi кредиторлар тобы (топтары) талаптарының жалпы сомасы;

4) көрсетiлген кредиторлық берешек сомасымен келiспеген жағдайда, кредитордың хабарламаны алған сәттен бастап бес жұмыс күнi iшiнде сотқа қарсылық бере алатыны туралы ақпарат қамтылуға тиiс.

4. Борышкер жеделдетiлген оңалту рәсiмi туралы iс бойынша iс қозғалған күннен бастап он жұмыс күнi iшiнде хабарландырулардың көшiрмелерiн, хабарламалардың түпнұсқаларын оларды кредиторлардың алғанын, не кредитордың тұрған жерi бойынша болмауы себептi оларды тапсыру мүмкiн болмағанын растаумен бiрге, сотқа табыс етуге тиiс.  

1. Жеделдетiлген оңалту туралы iстi сот талқылауына дайындау кезiнде сот Қазақстан Республикасының азаматтық iс жүргiзу заңнамасында көзделген iс-әрекеттерден басқа, жеделдетiлген оңалту рәсiмiне тартылған кредиторларды және прокурорды iстiң сотта қаралатын уақыты мен орны туралы хабардар етедi.

2. Iстi алдын ала дайындау аяқталғаннан кейiн, бiрақ ол қозғалғаннан кейiнгi он бес күннен кешiктiрiлмей, жеделдетiлген оңалту туралы iс сот талқылауына тағайындалуға тиiс, бұл туралы сот ұйғарым шығарады.

Сот жеделдетiлген оңалту туралы iстi iс қозғалған күннен бастап бiр айдан аспайтын мерзiмде қарауға тиiс.

3. Жеделдетiлген оңалту туралы iстi алдын ала дайындау мерзiмi iс қозғалған сәттен бастап он бес күннен аспауға тиiс.

4. Сот мынадай шарттар орындалған:

1) сот талқылауы барысында борышкер төлемге қабiлетсiздiгiн не орындау мерзiмi таяу он екi айда басталатын ақшалай мiндеттемелердi орындаудың мүмкiн еместiгiн дәлелдеген;

2) борышкер iс бойынша iс жүргiзудiң қозғалғандығы туралы кредиторларды хабардар ету бойынша талаптарды толық көлемде орындаған;

3) жеделдетiлген оңалту рәсiмiн қолдануға келiсiм бермеген кредиторлардың мүлiктiк мүдделерi оңалту жоспарында ескерiлген;

4) оңалту жоспарын мақұлдаған кредиторлардың талаптары бiртектi кредиторлардың тиiстi тобы (топтары) талаптарының жалпы сомасының елу пайызынан астамын құраған кезде жеделдетiлген оңалту рәсiмiн қолдану туралы сот шешiмiн шығарады.

Осы тармақтың 1), 4) тармақшаларының талаптары мемлекеттiк қолдау шараларының қатысушысы болып табылатын борышкерге қолданылмайды.

5. Сот шешiмi:

1) борышкердiң атауын, оның тұрған жерiн, банктiк шоттары туралы мәлiметтердi, салық төлеушiнiң тiркеу нөмiрiн (бизнес-сәйкестендiру нөмiрiн), басшының тегiн, атын, әкесiнiң атын, телефонның байланыс нөмiрiн;

2) жеделдетiлген оңалту рәсiмiн қолдану туралы нұсқауды;

3) мемлекеттiк қолдау шараларының қатысушысы болып табылатын борышкерге жеделдетiлген оңалту рәсiмiн қолдану жағдайларын қоспағанда, оңалту жоспарын бекiту туралы нұсқауды;

4) жеделдетiлген оңалту рәсiмiнiң мерзiмi туралы мәлiметтердi;

5) оңалту жоспарына енгiзiлген кредиторлар тiзбесiн;

6) оңалту жоспарына енгiзiлген бiртектi кредиторлар тобы (топтары) талаптарының сомасын;

7) жеделдетiлген оңалту рәсiмiн қолданудың осы Заңда көзделген салдарларының басталғаны туралы нұсқауды;

8) борышкердiң оңалту жоспарын орындау нәтижелерi бойынша қорытынды есептi беруi туралы нұсқауды қамтуға тиiс.

6. Сот мынадай:

1) сот талқылауы барысында борышкер төлемге қабiлетсiздiгiн және (немесе) алдағы төлемдердi уақтылы өтеу мүмкiндiгi жоқтығын растамаған;

2) борышкер осы Заңның 14-5-бабы 4-тармағының талаптарын орындамаған және борышкер кредиторды оның тұрған жерi бойынша болмауы себептi хабардар етудiң мүмкiн болмағанын дәлелдемеген;

3) кредиторларға жiберiлген iс бойынша iстi қозғау туралы хабарламалар осы Заңның 14-5-бабының 3-тармағының талаптарына сәйкес келмеген;

4) жеделдетiлген оңалту рәсiмiн қолдануға келiсiм бермеген кредиторлардың мүлiктiк мүдделерi оңалту жоспарында ескерiлмеген;

5) оңалту жоспарына келiсiм берген бiртектi кредиторлар тобына жатпайтын кредиторлардың құқықтарын оңалту жоспары өзгерткен және қозғаған;

6) борышкер ұсынған құжаттар оңалту жоспарына енгiзiлген бiртектi кредиторлардың әрбiр тобы талаптарының жалпы сомасының елу пайызынан астамын бiлдiретiн кредиторлардың оңалту жоспарын мақұлдағанын растамаған жағдайларда, жеделдетiлген оңалту рәсiмiн қолданудан бас тартады.

Осы тармақтың 5), 6) тармақшаларының талаптары мемлекеттiк қолдау шараларының қатысушысы болып табылатын борышкерге қолданылмайды.

7. Сот талқылауы барысында осы баптың 6-тармағында көрсетiлген мән-жайлар анықталмаған жағдайларда, сот жеделдетiлген оңалту рәсiмiн қолдану туралы шешiм шығарады.  

1. Жеделдетiлген оңалту рәсiмiн:

1) кредиторлар жиналысымен келiсiлген қорытынды есеп табыс етiлген;

2) егер мерзiмдi ұзарту үшiн негiз болмаса, жеделдетiлген оңалту рәсiмiнiң мерзiмi өткен;

3) оңалту жоспарын орындау кезiнде, сондай-ақ осы Заң нормаларын бұзушылықтар анықталған жағдайда кредиторлар жиналысының шешiмi негiзiнде жиналыс уәкiлеттiк берген тұлғаның өтiнiшi бойынша;

4) оған қатысты борышкер өтеу кестесiн үш айдан астам мерзiм iшiнде орындамаған кредитордың өтiнiшi бойынша;

5) оңалту жоспарына енгiзiлген бiртектi кредиторлар тобына жатпайтын кредитордың не талаптары жеделдетiлген оңалту рәсiмiн өткiзу кезеңiнде туындаған кредитордың өтiнiшi бойынша банкроттық туралы iс қозғалған жағдайларда;

6) оңалту жоспары құқықтары мен заңды мүдделерiн бұзған және (немесе) ескермеген, оңалту жоспарына енгiзiлген бiртектi кредиторлар тобына жататын кредитордың өтiнiшi бойынша сот тоқтатады.

2. Жеделдетiлген оңалту рәсiмi тоқтатылған сәттен бастап осы Заңның 14-8-бабында белгiленген шектеулер алып тасталады, кредиторлар өз құқықтарын iске асыруды қолданыстағы заңнамаға сәйкес жүзеге асырады. 3-тарау. Банкроттық немесе оңалту туралы iстердi сот тәртiбiмен қарау  Ескерту. 3-тараудың тақырыбы жаңа редакцияда - ҚР 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен.

1. Банкроттық туралы iс бойынша iс жүргiзу сотта осы Заңның 4-бабында көзделген негiздер болған кезде – борышкердiң, кредитордың (кредиторлардың), осы Заңның 26-бабында көзделген жағдайларда – прокурордың, осы Заңның 53-бабында көзделген жағдайда оңалтушы басқарушының өтiнiшi негiзiнде қозғалады.

2. Борышкердi банкрот деп тану туралы кредитордың өтiнiшiн сотқа беру құқығына салық және бюджетке төленетiн басқа да мiндеттi төлемдерге қатысты салық және өзге де уәкiлеттi мемлекеттiк орган, сондай-ақ азаматтық-құқықтық және өзге де мiндеттемелер жөнiндегi кредиторлар – жеке және заңды тұлғалар ие болады.

3. Оңалту туралы iс бойынша iс жүргiзу осы Заңның 4-бабында көзделген негiздер бар болған кезде борышкердiң өтiнiшi негiзiнде сотта қозғалады.

Борышкердiң банкроттық туралы iс қозғалғандығы туралы сот ұйғарымының көшiрмесiн алған күннен бастап он күн мерзiм iшiнде оңалту рәсiмiн қолдану туралы өтiнiштi сотқа жолдауға да құқығы бар.

4. Сот борышкердi банкрот деп тану туралы немесе оңалту рәсiмiн қолдану туралы өтiнiштi iс жүргiзуге қабылдау туралы ұйғарым шығарған сәттен бастап банкроттық немесе оңалту туралы iс бойынша iс жүргiзу қозғалды деп есептеледi.

5. Банкрот деп тану туралы борышкер, оңалтушы басқарушы берген өтiнiш соттың тиiстi шешiмiнсiз керi қайтарып алынбайды. Осы Заңның 53-бабында көзделген негiздер бойынша өтiнiш берiлген жағдайларды қоспағанда, кредитордың (кредиторлардың), прокурордың өтiнiшiн ол (олар) борышкердi банкрот деп тану туралы шешiм қабылданғанға дейiн қайтарып алуы мүмкiн.

Ескерту. 15-бап жаңа редакцияда - ҚР 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен.  

1. Борышкердiң банкрот деп тану немесе оңалту рәсiмiн қолдану туралы, осы Заңның 18 және 19-баптарында көзделген талаптарға сәйкес келмейтiн өтiнiшпен сотқа жүгiнуi өтiнiштi қарамай қайтаруға негiз болып табылады. 2. Борышкер үшiн банкрот деп тану туралы өтiнiшпен сотқа жүгiну осы Заңға сәйкес мiндеттi болып табылған және қажеттi құжаттар өтiнiшке қоса тiркелмеген жағдайларда мұндай өтiнiштi сот iс жүргiзуге қабылдайды, ал жеткiлiксiз құжаттарды сот қарауына iстi дайындау тәртiбiмен сот сұратып алады.

 Ескерту. 21-бапқа өзгерiс енгiзiлдi - ҚР 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен.

1. Борышкердi банкрот деп тану немесе оңалту рәсiмiн қолдану туралы, Қазақстан Республикасының заңнамасында белгiленген талаптарға сәйкес келетiн өтiнiштi ала отырып, сот өтiнiш келiп түскеннен кейiн бес жұмыс күнiнен кешiктiрмей iс қозғау туралы ұйғарым шығарады.

2. Iс қозғау туралы ұйғарым мүлiкке құқықты тiркеудi жүзеге асыратын мемлекеттiк және өзге де органдардың осы Заңның 28-бабының 1-тармағында көзделген шектеулердi қолдану туралы мiндетiн қамтуға тиiс.

3. Сот iс қозғау туралы сот ұйғарымының көшiрмелерiн борышкерге, өтiнiш берушiге, уәкiлеттi органға, мүлiкке құқықтарды тiркеудi жүзеге асыратын мемлекеттiк және өзге де органдарға, жеке сот орындаушыларының өңiрлiк алқасына және борышкердiң тұрған жерi бойынша аумақтық атқарушылық iс жүргiзу органына жiбередi.

Ескерту. 27-бап жаңа редакцияда - ҚР 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен.  

1. Банкроттық немесе оңалту туралы iс бойынша iс қозғалған сәттен бастап:

1) борышкер мүлкiнiң меншiк иесiне (ол уәкiлеттiк берген органға), құрылтайшыларға (қатысушыларға), заңды тұлғаның барлық органдарына мүлiктi кәдiмгi коммерциялық операциялардан тыс пайдалануға және өткiзуге тыйым салынады;

2) моральдық зиянды өтеу туралы талаптарды есептемегенде, өмiрiне немесе денсаулығына зиян келтiргенi үшiн борышкер жауапты болатын азаматтарға төлемдердi қоспағанда, соттардың, аралық соттардың, салық органдарының, сондай-ақ меншiк иелерiнiң (құрылтайшылардың, қатысушылардың) немесе борышкер органдарының борышкер мүлкiне қатысты бұрын қабылдаған шешiмдерiн орындау тоқтатыла тұрады;

3) кредиторлардың борышкерге қоятын кез келген талаптары осы Заңда көзделген банкроттық немесе оңалту рәсiмдерi шегiнде ғана қойылуы мүмкiн;

4) кредиторлардың, салық органы мен салық және бюджетке төленетiн басқа да мiндеттi төлемдер жөнiндегi өзге де уәкiлеттi мемлекеттiк органның талаптары, оның iшiнде даусыз (акцептiсiз) тәртiппен қанағаттандырылуға жататын талаптары бойынша борышкердiң банк шоттарынан ақша өндiрiп алуға, сондай-ақ борышкердiң мүлкiне өндiрiп алуды қолдануға жол берiлмейдi;

5) борышкердiң акцияларын, мүлкiндегi үлестердi иелiктен шығаруға тыйым салынады.

2. Сот Қазақстан Республикасының бүкiл аумағында және борышкердiң тұрған жерi бойынша тиiстi әкiмшiлiк-аумақтық бiрлiкте таратылатын, белгiленген тәртiппен нормативтiк құқықтық актiлердi ресми жариялау құқығын алған мерзiмдi баспасөз басылымдарында банкроттық немесе оңалту туралы iс бойынша iс қозғалғандығы туралы хабарландыруды қазақ және орыс тiлдерiнде жетi жұмыс күнi iшiнде жариялауға мiндеттi.

Хабарландыруды жариялау борышкердi банкрот деп тану немесе оңалту рәсiмiн қолдану туралы өтiнiш берген тұлғаның қаражаты есебiнен жүзеге асырылады, ол осы Заңның 40-бабында белгiленген тәртiппен өтелуге жатады.

Ескерту. 28-бап жаңа редакцияда - ҚР 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен, өзгерiс енгiзiлдi - ҚР 2012.04.27 N 15-V (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен.

1. Сот борышкердiң банкроттық туралы iс бойынша iс жүргiзу шеңберiнде оңалту рәсiмiн қолдану туралы өтiнiшiн алып, өтiнiш келiп түскеннен кейiнгi бес жұмыс күнiнен кешiктiрмей банкроттық туралы iс бойынша iс жүргiзудi тоқтата тұру туралы ұйғарым шығарады.

2. Соттың банкроттық туралы iс бойынша iс жүргiзудi тоқтата тұру туралы ұйғарымының көшiрмелерiн сот борышкерге, өтiнiш иесiне, уәкiлеттi органға, жеке сот орындаушыларының өңiрлiк алқасына және борышкердiң тұрған жерi бойынша аумақтық атқарушылық iс жүргiзу органына жiбередi.

3. Сот банкроттық туралы iс бойынша iс жүргiзудi мынадай:

1) сот оңалту рәсiмiн қолдану туралы өтiнiштi қараусыз қалдырған;

2) оңалту рәсiмiн қолданудан бас тарту туралы шешiм шығарылған;

3) осы Заңның 53-бабында көзделген негiздер бойынша оңалту рәсiмiн тоқтатқан жағдайларда қайта бастайды.

4. Банкроттық туралы iс бойынша iс жүргiзу соттың ұйғарымымен қайта басталады.

 Ескерту. Заң 29-1-баппен толықтырылды - ҚР 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен.

1. Кредитордың немесе прокурордың сотқа осы Заңның 29-бабының ережелерiн ескере отырып табыс еткен талабына борышкердiң қарсылық бiлдiрген жауабының болуы iстi сотта қарауға дайындау үшiн негiз болып табылады. 2. Борышкердiң банкроттығы туралы iстi сотта қарауға дайындау кезiнде Қазақстан Республикасының iс жүргiзу заңнамасында көзделген әрекеттермен қатар сот: 1) iстi сот отырысында қаралатын уақыты мен орнын iске қатысатын уәкiлеттi органға, кредиторларға, прокурорға және өзге де тұлғаларға хабарлайды; 2) осы Заңның 18-бабының 2-тармағында және 19-бабында көзделген мәлiметтер мен құжаттарды борышкерден талап етiп алады; 3) iстi мәнi бойынша қарау үшiн соттың отырысын тағайындайды.

Ескерту. 31-бап жаңа редакцияда - Қазақстан Республикасының 1998.07.01. N 256 , 31-бапқа өзгерту енгiзiлдi - Қазақстан Республикасының 2001.07.11. N 239 , 2002.08.09. N 346 , 2006.01.10. N 115 (ресми жарияланған күнiнен бастап қолданысқа енгiзiледi), 2008.07.05. N 60-IV (қолданысқа енгiзiлу тәртiбiн 2-баптан қараңыз) Заңдарымен.

1. Жалған банкроттық белгiлерi болған кезде кiнәлi лауазымды адамдардан барлық сот шығындарын өндiрiп ала отырып, сот борышкердi банкрот деп танудан бас тарту туралы шешiм шығарады. 2. Сот шешiмiнде жалған банкроттықтан келтiрiлген шығындарды борышкерден өтеудi талап етуге кредиторлардың құқығы көрсетiлуге тиiс (осы Заңның 5-бабының 2-тармағы).

1. Банкроттық туралы iс бойынша iс жүргiзудi сот Қазақстан Республикасының iс жүргiзу заңнамасында көзделген негiздер бойынша, сондай-ақ борышкердi банкрот деп тану туралы өтiнiш керi қайтарып алынған жағдайда (осы Заңның 15-бабының 5-тармағы) тоқтатады.

2. Оңалту рәсiмiн қолдану туралы iс бойынша iс жүргiзудi сот Қазақстан Республикасының азаматтық iс жүргiзу заңнамасында көзделген негiздер бойынша, сондай-ақ:

1) оңалту рәсiмiн қолдану туралы өтiнiш керi қайтарып алынған;

2) оңалту рәсiмiн қолдану туралы өтiнiшке қоса берiлген құжаттарда қамтылған дәйексiз мәлiметтер ұсынылу фактiлерi анықталған жағдайларда тоқтатады.

Ескерту. 39-бап жаңа редакцияда - ҚР 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен.

1. Кредитордың не уәкiлеттi органның өтiнiшi бойынша сот сырттай байқау рәсiмiн енгiзу туралы iс қозғау жөнiнде ұйғарым шығарады.

Борышкерге қатысты сырттай байқау рәсiмi:

1) салық және бюджетке төленетiн басқа да мiндеттi төлемдер бойынша кредитор немесе сырттай байқау рәсiмiн қолдануға келiсiм бiлдiрген кемiнде үш кредитор, оның iшiнде өтiнiш берушi болған кезде;

2) борышкердiң төлем қабiлетi болмаған кезде үш айдан бiр жылға дейiнгi мерзiмге енгiзiлуi мүмкiн.

Бұл ретте, өтiнiш берушiнiң ұсынысы бойынша кредиторлардың болуын борышкерден кредиторлары және олардың мүлiктiк талаптарының мөлшерi туралы мәлiметтi талап ету арқылы сот белгiлейдi.

Соттың сырттай байқауды енгiзу туралы ұйғарымында уәкiлеттi органға бес жұмыс күнi iшiнде сырттай байқау әкiмшiсiн тағайындау тапсырылатыны туралы көрсетiледi.

Сырттай байқау әкiмшiсiн тағайындау тәртiбiн уәкiлеттi орган белгiлейдi.

2. Сырттай байқау әкiмшiсi қызметiн жүзеге асыру мақсатында уәкiлеттi органда тiркелген дара кәсiпкер сырттай байқау әкiмшiсi болып тағайындалады.

Сырттай байқау әкiмшiсi өз өкiлеттiгiн борышкердiң орналасқан жерi бойынша жүзеге асыруға мiндеттi.

Сырттай байқау әкiмшiсi етiп осы Заңның 9-бабының 11-тармағында көрсетiлген тұлғаларды тағайындауға болмайды.

Осы Заңда сырттай байқау әкiмшiсiне жүктелген өкiлеттiктердi өзге тұлғаларға беруге болмайды.

3. Сырттай байқау әкiмшiсiн уәкiлеттi орган:

1) кредитордың немесе борышкердiң мүдделерiне залал келтiрген олардың осы Заңда белгiленген талаптарды бұзушылықтары тексеру нәтижелерi бойынша анықталған;

2) өз өкiлеттiктерiн орындау: қайтыс болуы; бiр айдан астам еңбекке уақытша жарамсыздығы; сот тәртiбiмен әрекетке қабiлетсiз не әрекетке қабiлетi шектеулi, хабарсыз кеткен деп танылуы не қаза болған деп жариялануы; оларға қатысты соттың айыптау үкiмiнiң заңды күшiне енуi салдарынан мүмкiн болмаған;

3) тiркелу кезiнде олардың дәйексiз мәлiметтердi ұсыну фактiсi анықталған;

4) өзi тағайындалғаннан кейiн күнтiзбелiк отыз күн iшiнде кредиторлар комитетiмен келiсiм жасамаған не кредиторлар комитетiмен жасаған келiсiм бұзылған жағдайларда шеттетуге тиiс.

Осы тармақтың 1) тармақшасында көзделген негiз бойынша сырттай байқау әкiмшiсiн сырттай байқау рәсiмiн жүргiзуден бiр жыл iшiнде бiрнеше рет шеттету және (немесе) осы тармақтың 2) және 3) тармақшаларында көзделген негiздердiң бiрi бойынша шеттету оны барлық борышкерлерге қатысты осы Заңда көзделген өкiлеттiктердi орындаудан бiр мезгiлде шеттетуге әкеп соғады.

4. Сырттай байқау әкiмшiсi сырттай байқау рәсiмiн жүргiзуден өз еркi бойынша босату туралы өтiнiш ұсынған кезде кредиторлар комитетiнiң келiсiмiмен босатылады.

Өтiнiшке кредиторлар комитетiмен келiсiлген оның қызметi туралы есеп және кредиторлар комитетiнiң келiсiмi қоса берiледi.

Сырттай байқау әкiмшiсi жүктелген өкiлеттiктердi орындаудан шеттетiлген немесе босатылған жағдайда жаңадан тағайындалған сырттай байқау әкiмшiсi алдыңғылардың құқық мирасқоры болып табылады.

5. Сырттай байқау енгiзiлген кезде мынадай салдар туындайды:

1) кредиторлардың борышкерге қатысты кез келген талаптары осы Заңда көзделген сырттай байқау рәсiмi шегiнде ғана қойылуы мүмкiн;

2) борышкердiң лауазымды тұлғаларына өздерiне тиесiлi акцияларды, борышкер мүлкiндегi үлестерiн иелiктен шығаруға тыйым салынады;

3) борышкердiң кепiлге қойылған мүлкiнен, оның iшiнде соттан тыс тәртiппен өндiрiп алуға тыйым салынады.

6. Сотқа сырттай байқауды енгiзу туралы өтiнiш берген кезде кредитор салық қызметiнiң тиiстi органына хабарлама жiбередi.

Ескерту. 41-1-бап жаңа редакцияда - ҚР 2011.07.15 N 461-IV (алғашқы ресми жарияланғанынан кейiн алты ай өткен соң қолданысқа енгiзiледi) Заңымен, өзгерiс енгiзiлдi - ҚР 2012.04.27 N 15-V (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен.  

1. Сырттай байқау әкiмшiсi: 1) сотқа борышкер мүлкiнiң сақталуын қамтамасыз ету жөнiнде қосымша шаралар қолдану, сондай-ақ мұндай шаралардың күшiн жою туралы өтiнiш жасауға; 2) түгендеу актiлерi бойынша борышкердiң мүлкiне салыстыру жүргiзуге; 3) борышкерден берешек сомасы көрсетiлген оның кредиторлары мен дебиторларының толық тiзбесiн, активтерi мен пассивтерi толық көрсетiлген балансын, борышкердiң қаржылық жағдайы туралы есептi және басқа да қажеттi ақпаратты талап етуге; 4) сот алдында үшiншi тұлғалардан қажеттi құжаттарды, қорытындыларды табыс ету және (немесе) оларды талап ету, олардың борышкердiң алдыңғы үш жылдағы қаржы-шаруашылық қызметiне қатысты өзге мәлiметтердi табыс етуi туралы өтiнiш жасауға, сондай-ақ Қазақстан Республикасының заңдарында өзгеше көзделмесе, осы мәлiметтермен олардың тұрған жерiнде танысуға; 5) сырттай байқау рәсiмi енгiзiлгенге дейiнгi алдыңғы үш жыл iшiнде жасалып, борышкердiң қаржылық жағдайын нашарлатқан мәмiлелердi анықтауға, борышкерден оларды Қазақстан Республикасының азаматтық заңнамасында белгiленген негiзде және тәртiппен бұзуды талап етуге; 6) борышкерден осы Заңның 41-7-бабында көзделген өзiнiң мiндеттерiн орындауын талап етуге; 7) осы Заңда көзделген тәртiппен және мөлшерде сыйақы алуға құқылы. 2. Сырттай байқау әкiмшiсi: 1) борышкерге қатысты өз iс-әрекеттерiн кредиторлар комитетiмен келiсуге; 2) борышкер мүлкiнiң сақталуын қамтамасыз ету және оны қорғау жөнiнде шаралар қолдануға; 3) әдейi және жалған банкроттық белгiлерiнiң бар екенiн анықтауға және анықталған белгiлер туралы құқық қорғау органдарына хабарлауға не борышкерден оның қаржылық жағдайын нашарлатқан мүлiктi иелiктен айыру жөнiндегi мәмiлелердi жарамсыз деп тануын талап етуге; 4) борышкердiң кредиторлары мен дебиторларын анықтауға, борышкерден дебиторлық берешектi өндiрiп алу жөнiнде шаралар қолдануын талап етуге; 4-1) уәкiлеттi органның сұратуы бойынша оған сырттай байқау рәсiмi бойынша қажеттi ақпарат беруге; 5) сырттай байқау кезеңi аяқталғаннан кейiн кредиторлар комитетiмен және уәкiлеттi органмен келiсiлген, борышкердiң төлем қабiлетiн қалпына келтiру мүмкiндiгi және оған қатысты оңалту рәсiмiн қолдану туралы не борышкердi банкрот деп тану туралы қорытындысы бар өз қызметi туралы есептi сотқа табыс етуге мiндеттi.

Ескерту. 41-4-бапқа өзгерту енгiзiлдi - ҚР-ның 2008.07.05. N 60-IV (қолданысқа енгiзiлу тәртiбiн 2-баптан қараңыз) Заңымен.

1. Сот оңалту рәсiмiн қолдану туралы шешiм шығарған сәттен бастап мынадай салдарлар басталады:

1) мүлiкпен кәдiмгi коммерциялық операциялардың шеңберiнен тыс мәмiлелер жасасуға тыйым салынады;

2) борышкер берешегiнiң барлық түрлерi бойынша тұрақсыздық төлемiн (өсiмпұлдарды, айыппұлдарды), сондай-ақ алынған кредиттер бойынша сыйақыларды есептеу тоқтатылады;

3) моральдық зиянды өтеу туралы талаптарды есептемегенде, төлеу мерзiмi оңалту рәсiмiн қолданғаннан кейiн басталған, өмiрiне немесе денсаулығына зиян келтiргенi үшiн борышкер жауапты болатын азаматтарға төлемдердi қоспағанда, соттардың, аралық соттардың, салық органдарының, сондай-ақ борышкер мүлкiнiң меншiк иелерiнiң (олар уәкiлеттiк берген органдардың), құрылтайшылардың (қатысушылардың) борышкер мүлкiне қатысты қабылдаған шешiмдерiн орындау тоқтатыла тұрады;

4) оңалту рәсiмi қолданылған салықтық кезеңнен кейiнгi салықтық кезеңдердегi салықтық есептiлiкке сәйкес салық төлеушi есептеген, салықтық тексерулердiң нәтижелерi бойынша салық қызметi органы есепке жазған салық және бюджетке төленетiн басқа да мiндеттi төлемдер төленедi.

2. Оңалту жоспары бекiтiлгеннен кейiн:

1) оңалту жоспарында көзделгендердi қоспағанда, мүлiкпен кәдiмгi коммерциялық операциялардың шеңберiнен тыс мәмiлелер кредиторлар жиналысының келiсiмiмен жасалады;

2) кредиторлық берешектi өтеу кестесi оңалту жоспарына сәйкес орындалмаған жағдайда, кредиторлық берешектi өтеудiң оңалту жоспарында көрсетiлген күнiнен немесе кезеңiнен кейiнгi күннен бастап осы Заңның 28-бабы 1-тармағының 4) тармақшасында, сондай-ақ осы баптың 1-тармағының 2) және 3) тармақшаларында белгiленген шектеулер алынады.

 Ескерту. Заң 43-2-баппен толықтырылды - ҚР 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен.

1. Оңалту жоспары борышкердiң төлемге қабiлеттiлiгiн қалпына келтiру жөнiндегi нақты iс-шараларды (оңалту шараларын) және осы Заңның 47-бабының 2-тармағында көрсетiлген кредиторлар алдындағы берешектi өтеу кестесiн қамтуға тиiс.

Табиғи монополия субъектiлерi немесе тауар нарығында үстем (монополиялық) жағдайға ие нарық субъектiлерi болып табылатын не республиканың экономикасы үшiн маңызды стратегиялық мәнi бар, азаматтардың өмiрiне, денсаулығына, ұлттық қауiпсiздiкке немесе қоршаған ортаға әсер етуге қабiлеттi ұйымдардың оңалту жоспарына өзгерiстер мен толықтырулар тиiстi орталық атқарушы органмен, Қазақстан Республикасы Ұлттық қауiпсiздiк комитетiнiң тиiстi аумақтық органымен, ал қала негiзiн құраушы кәсiпорындар бойынша - тиiстi облыс (республикалық маңызы бар қала, астана) әкiмiмен келiсiлуге тиiс.

Оңалту жоспарына өзгерiстер мен толықтырулар кредиторлар жиналысының келiсiмiмен енгiзiледi және оларды сот бекiтедi.

2. Оңалту жоспарын борышкер оңалту рәсiмiн қолдану туралы шешiм заңды күшiне енген күннен бастап үш ай iшiнде кредиторлармен бiрге әзiрлеуге тиiс.

3. Оңалту жоспарын iске асыру мерзiмi бес жылдан аспауға тиiс.

4. Оңалту шараларына санацияны, сауда-саттық жүргiзу жолымен мүлiктi (активтердi) сатуды, борышкердiң талап ету құқықтарын басқаға берудi, борыштың бiр бөлiгiн кешiрудi, өсiмпұлдар мен айыппұлдарды есептен шығаруды, борыштарды акцияларға айырбастауды, бiтiмгершiлiк келiсiмiн жасасуды және басқаларды қоса алғанда, борышкердiң төлемге қабiлеттiлiгiн қалпына келтiруге бағытталған кез келген ұйымдастырушылық-шаруашылық, техникалық, қаржы-экономикалық, құқықтық және Қазақстан Республикасының заңнамасына қайшы келмейтiн өзге де iс-шаралар кiруi мүмкiн.

5. Егер оңалту жоспары ақшалай қаражат көзi ретiнде кредиттер (микрокредиттер) алуды қамтыса, оңалту жоспарына кредит (микрокредит) алу шарты қоса тiркеледi.

6. Оңалту жоспары кредиторлар талаптарының тiзiлiмi бекiтiлгеннен кейiн кредиторлар жиналысына келiсу үшiн берiлуге тиiс.

7. Табиғи монополия субъектiлерi немесе тауар нарығында үстем (монополиялық) жағдайға ие нарық субъектiлерi болып табылатын не республиканың экономикасы үшiн маңызды стратегиялық мәнi бар, азаматтардың өмiрiне, денсаулығына, ұлттық қауiпсiздiкке немесе қоршаған ортаға әсер етуге қабiлеттi ұйымдардың оңалту жоспары тиiстi орталық атқарушы органмен, Қазақстан Республикасы Ұлттық қауiпсiздiк комитетiнiң тиiстi аумақтық органымен, ал қала негiзiн құраушы кәсiпорындар бойынша - тиiстi облыс (республикалық маңызы бар қала, астана) әкiмiмен келiсiлуге тиiс.

Ұсынылған оңалту жоспары он жұмыс күнi iшiнде қарастырылады.

8. Борышкер оңалту жоспарын кредиторлар жиналысында мақұлдағаннан кейiн осы Заңның 37-1-бабы 2-тармағының 4) тармақшасында белгiленген мерзiмнен кешiктiрмей сотқа ұсынуға мiндеттi.

9. Кредиторлар жиналысымен келiсiлген оңалту жоспары ол ұсынылған күннен бастап жетi жұмыс күнi iшiнде сот ұйғарымымен бекiтiледi.

10. Сот осы Заңда белгiленген талаптардың бұзылғандығы анықталған жағдайларда, оңалту жоспарын бекiтуден бас тартуға құқылы.

11. Соттың оңалту жоспарын бекiту туралы ұйғарымы:

1) оңалту жоспарын бекiту туралы;

2) оңалту рәсiмiн аяқтау және қорытынды есеп беру мерзiмдерi туралы;

3) уәкiлеттi органның оңалтушы басқарушыны тағайындауы туралы немесе басқару құқығының борышкер мүлкiнiң меншiк иесiнде, қатысушыларда (акционерлерде) сақталғандығы туралы нұсқауларды қамтуға тиiс.

Ескерту. 44-бап жаңа редакцияда - ҚР 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен.

1. Борышкер оңалту рәсiмiн қолдану туралы шешiм заңды күшiне енген күннен бастап он жұмыс күнi iшiнде борышкерге оңалту рәсiмiнiң қолданылуы туралы және кредиторлардың талаптарды мәлiмдеу тәртiбi туралы жарияланымды Қазақстан Республикасының бүкiл аумағында және борышкердiң тұрған жерi бойынша тиiстi әкiмшiлiк-аумақтық бiрлiкте таратылатын, белгiленген тәртiппен нормативтiк құқықтық актiлердi ресми жариялау құқығын алған мерзiмдi баспасөз басылымдарында қазақ және орыс тiлдерiнде орналастырады.

Борышкердiң интернет-ресурсы бар болған жағдайда, борышкерге оңалту рәсiмiнiң қолданылуы және кредиторлардың талаптарды мәлiмдеу тәртiбi туралы хабарламаны аталған интернет-ресурста жариялау мiндеттi болып табылады.

2. Кредиторлардың борышкерге қоятын талаптарын мәлiмдеу және қарау осы Заңның 71–72-баптарында белгiленген тәртiппен жүзеге асырылады.

3. Борышкер оңалту рәсiмiн қолдану туралы шешiм заңды күшiне енген күннен бастап үш айдан кешiктiрмей кредиторлар талаптарының тiзiлiмiн және оларды қарау нәтижелерiн бекiту үшiн уәкiлеттi органға беруге мiндеттi.

4. Борышкер ұсынған кредиторлар талаптарының тiзiлiмiн уәкiлеттi орган кредиторлар талаптарының тiзiлiмi ұсынылған күннен бастап бес жұмыс күнiнен кешiктiрмей бекiтедi.

5. Уәкiлеттi орган осы Заңның 71–72-баптарының талаптарын бұза отыра жасалған кредиторлар талаптарының тiзiлiмiн бес жұмыс күнi iшiнде жойылуға жататын қайтару себептерiн көрсете отырып, ол ұсынылған күннен бастап бес жұмыс күнiнен кешiктiрмей пысықтауға қайтарады.

 Ескерту. Заң 45-1-баппен толықтырылды - ҚР 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен.

1. Барлық кредиторлардың мүдделерiн қамтамасыз ету мақсатында кредиторлар жиналысы шақырылады.

2. Кредиторлар жиналысына қатысу құқығы кредиторлар талаптарының тiзiлiмiне енгiзiлген кредиторларға (олардың өкiлдерiне), борышкер мүлкiнiң меншiк иесiне (ол уәкiлеттiлiк берген органға), құрылтайшыларға (қатысушыларға), уәкiлеттi органға тиесiлi.

3. Кредиторлар жиналысын ұйымдастыру, өткiзу және оның шешiмдер қабылдауы осы Заңның 14-3-бабының 6–11-тармақтарында белгiленген тәртiппен жүргiзiледi.

4. Кредиторлар жиналысының хаттамасы екi данада жасалады, оның бiрi оңалту рәсiмiн қолдану туралы шешiм қабылдаған сотқа, екiншiсi кредиторлар комитетiне берiледi.

Кредиторлар жиналысының хаттамасына:

1) кредиторлар жиналысын өткiзу күнiндегi кредиторлар талаптары тiзiлiмiнiң

2) жиналысқа қатысушылар өкiлдерiнiң өкiлеттiктерiн растайтын құжаттардың

3) жиналысқа қатысушыларға танысу және (немесе) бекiту үшiн ұсынылған материалдардың

4) кредиторлар жиналысын өткiзу күнi мен орны туралы кредиторларды тиiстi түрде хабардар еткенi туралы айғақтайтын дәлелдемелер болып табылатын құжаттардың

5) борышкердiң қалауы бойынша өзге де құжаттардың көшiрмелерi қоса берiлуге тиiс.

5. Кредиторлар жиналысының айрықша құзыретiне:

1) борышкер мүлкiнiң меншiк иесiнде (ол уәкiлеттiк берген органда), құрылтайшыларда (қатысушыларда) оңалту жоспарын бекiткен сәттен бастап борышкер мүлкiн және iстерiн басқару құқығын сақтау немесе оның күшiн жою туралы шешiм қабылдау;

2) кредиторлар комитетi құрамының санын айқындау, құрамын қалыптастыру және бекiту;

3) кредиторлар комитетiнiң құрамына өзгерiстер енгiзу;

4) оңалту жоспарын келiсу;

5) оңалту жоспарына өзгерiстер мен толықтыруларды келiсу;

6) оңалту рәсiмiн ұзартуды келiсу;

7) кредиторлар комитетi мүшелерiнiң оңалту рәсiмiн жүзеге асыру барысы туралы ақпаратты кредиторлар назарына жеткiзуiнiң тәртiбi мен мерзiмiн айқындау;

8) өзге мәмiлелердi кәдiмгi коммерциялық операциялар шеңберiнен тыс жасалатындардың санатына жатқызу;

9) оңалту жоспарында көзделмеген, кәдiмгi коммерциялық операциялар шеңберiнен тыс мәмiлелердi келiсу;

10) борышкердiң өндiрiп алынуы мүмкiн емес дебиторлық берешегiнiң сомасын бекiту;

11) оңалтушы басқарушының кандидатурасын таңдау;

12) оңалтушы басқарушының негiзгi сыйақы сомасын және оны төлеу тәртiбiн айқындау;

13) борышкер мүлкiн және iстерiн басқару құқығы борышкер мүлкiнiң меншiк иесiнде (ол уәкiлеттiк берген органда), құрылтайшыларда (қатысушыларда) сақталған жағдайда, борышкердi басқару органдары мүшелерiнiң ақшалай сыйақысының сомасын анықтау;

14) оңалтушы басқарушының (борышкердiң) қорытынды есебiн келiсу;

15) осы Заңда көзделген өзге де өкiлеттiктер жатады.

6. Кредиторлар жиналысының құзыретiне кiретiн, осы баптың 5-тармағының 1), 4), 5), 6) және 11) тармақшаларында көзделген мәселелер бойынша шешiмдер қабылдау кезiнде сырттай дауыс беруге жол берiлмейдi.

 Ескерту. Заң 46-1-баппен толықтырылды - ҚР 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен.

1. Оңалту рәсiмiн қолданған кезден бастап:

1) моральдық зиянды өтеу туралы талаптарды қоспағанда, жалақыдан және (немесе) өзге де кiрiстен ұсталған алименттердi төлеу жөнiндегi талаптар, сондай-ақ өмiрiне немесе денсаулығына келтiрiлген зиян үшiн борышкер жауапты болатын азаматтардың талаптары қанағаттандырылады;

2) төлеу мерзiмi оңалту рәсiмi қолданылғаннан кейiн басталған, еңбек шарты бойынша жұмыс iстеп жатқан адамдармен өтемақылар және еңбекақы төлеу бойынша, Мемлекеттiк әлеуметтiк сақтандыру қорына әлеуметтiк аударымдар төлеу бойынша және авторлық шарттар бойынша сыйақылар төлеу бойынша есеп айырысу жүргiзiледi;

3) кредиторлардың мiндеттемелерден, оның iшiнде оңалтушы басқарушы (борышкер) жасасқан мәмiлелерден туындаған, орындалу мерзiмi оңалту рәсiмiн жүзеге асыру кезеңiнде басталатын талаптары қанағаттандырылады.

2. Борышкердiң кредиторлар алдындағы берешектерi бойынша басқа да барлық есеп айырысулар, оның iшiнде өндiрiп алынуы атқару парақтары бойынша немесе даусыз (акцептiсiз) тәртiппен жүргiзiлетiн берешектер осы Заңның 75 және 76-баптарында белгiленген кезектiлiк пен есеп айырысу қағидалары сақтала отырып, оңалту жоспарына сәйкес кредиторлар талаптарының тiзiлiмi бекiтiлгеннен кейiн жүзеге асырылады.

Өткен салық кезеңдерi және оңалту рәсiмi қолданылған салық кезеңi үшiн салық есептiлiгiне сәйкес салық төлеушi есептеген, салықтық тексерулер нәтижелерi бойынша салық қызметi органы есепке жазған салық және бюджетке төленетiн басқа да мiндеттi төлемдердi төлеу бойынша мiндеттемелер туындаған кезде кредиторлар талаптарының тiзiлiмiне, сондай-ақ оңалту жоспарына тиiстi өзгерiстер мен толықтырулар енгiзiледi.

3. Кредиторлардың борышкерге қоятын талаптарын мәлiмдеуi мен оларды қарау осы Заңның 71-72-баптарында белгiленген тәртiппен жүзеге асырылады.

Кредиторлар талаптарының тiзiлiмiн бекiту осы Заңның 45-бабында белгiленген тәртiппен жүзеге асырылады.

4. Кредиторлардың оңалту рәсiмi қолданылғанға дейiн туындаған талаптарын қанағаттандыру, осы баптың 1-тармағының 1) тармақшасында көзделген жағдайларды қоспағанда, кредиторлар талаптарының тiзiлiмi бекiтiлгеннен кейiн жүргiзiледi.

5. Кепiлдi кредитор:

1) өзiнiң заңды мүдделерiне қауiп төндiретiн, осы Заңды бұзушылық анықталған;

2) өзiнiң алдындағы берешектi өтеу кестесi бұзылған;

3) кепiл нысанасы болып табылатын мүлiк құнының өз мүдделерiне қысым жасауға әкеп соқтыратындай төмендеуi;

4) егер өзiнiң алдындағы мiндеттемелердiң орындалуын қамтамасыз ету нысанасы болып табылатын мүлiк борышкер-кәсiпорынның қызметiн жалғастыру үшiн немесе оңалту жоспарын iске асыру үшiн талап етiлмесе, өзiнiң алдындағы мiндеттемелердiң орындалуын қамтамасыз ету нысанасы болып табылатын борышкер мүлкiне өндiрiп алуды қолдану туралы сотқа жүгiнуге құқылы.

Ескерту. 47-бап жаңа редакцияда - ҚР 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен.

1. Оңалту рәсiмiн тоқтата тұру туралы өтiнiштi сот ол түскен күннен бастап он жұмыс күнiнен кеш емес мерзiмде қарауға тиiс.

Оңалту рәсiмiн тоқтата тұру үшiн борышкердiң мемлекеттiк қолдау шараларының қатысушысы мәртебесiн алуы және кредиторлар комитетiнiң шешiмi негiз болып табылады.

2. Сот оңалту рәсiмiн тоқтата тұру туралы ұйғарым шығарған сәттен бастап, мынадай салдарлар басталады:

1) оңалтушы басқарушы борышкердiң мүлкi мен iстерiн басқарудан шеттетiледi және басқару борышкер мүлкiнiң меншiк иесiне (ол уәкiлеттiк берген органға), құрылтайшыларға (қатысушыларға) өтедi;

2) осы Заңның 43-2-бабы 1-тармағы 1) тармақшасының қолданысы тоқтатыла тұрады;

3) ұйымды оңалту жоспарының орындалуы тоқтатыла тұрады;

4) кредиторлардың талаптарын өтеу мемлекеттiк қолдау шаралары шеңберiнде қабылданған оңалту жоспарына сәйкес жүргiзiледi.

3. Кредиторлар комитетi оңалту рәсiмiн қайта бастау туралы өтiнiшпен сотқа жүгiну туралы шешiм қабылдауға құқылы. Осындай өтiнiшпен кредиторлар комитетi уәкiлеттiк берген тұлға жүгiнедi.

Оңалту рәсiмiн қайта бастау туралы сот ұйғарымы күшiне енген күннен бастап, осы баптың 2-тармағының қолданысы тоқтатылады.

 Ескерту. Заң 50-1-баппен толықтырылды - ҚР 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен.

1. Оңалтушы басқарушы:

1) борышкердiң мүлкiн басқаруға қабылдайды және оған осы Заңда белгiленген шекте билiк етедi;

2) борышкердiң мүлкiне қатысты тиiстi құқықтарға ие болады және оның барлық органдары үшiн Қазақстан Республикасының заңнамасында көзделген мiндеттердi атқарады;

3) өзiн уәкiлеттi орган тағайындаған күннен бастап он жұмыс күнi iшiнде Қазақстан Республикасының бүкiл аумағында және борышкердiң тұрған жерi бойынша тиiстi әкiмшiлiк-аумақтық бiрлiкте таратылатын, белгiленген тәртiппен нормативтiк құқықтық актiлердi ресми жариялау құқығын алған мерзiмдi баспасөз басылымдарында борышкерге оңалту рәсiмiн қолдану туралы және кредиторлардың талаптарды мәлiмдеу тәртiбi туралы жарияланымды қазақ және орыс тiлдерiнде орналастырады;

4) оңалту жоспарын орындауды ұйымдастырады;

5) оңалту рәсiмiне кредиторлар жиналысымен келiсiлген өзгерiстер мен толықтырулар енгiзу туралы сотқа қолдаухат жiбередi;

6) кредиторлар талаптарының тiзiлiмiн жүргiзедi;

7) кредиторлар комитетiнiң барлық мүшелерiне осы Заңның 12-бабының 1-тармағында белгiленген мерзiмдерде өткiзiлетiн комитеттiң бiрiншi отырысының өтетiн күнi мен орны туралы хабарлайды;

8) осы Заңның 14-бабының 2-тармағында белгiленген тәртiппен және мерзiмдерде кредиторлар комитетiнiң мүшелерiне хабарлама жiбередi;

9) осы Заңның 14-3-бабының 7-тармағында белгiленген iс-әрекеттердi жасайды, сондай-ақ кредиторлар жиналысының сырттай дауыс берудi таңдаған қатысушыларына осы Заңның 14-3-бабының 8-тармағында белгiленген тәртiппен және мерзiмдерде материалдарды жiбередi;

10) ұйымдардан, мемлекеттiк органдардан және олардың лауазымды адамдарынан борышкер туралы ақпаратты сұратады және алады;

11) банкроттық туралы заңнамамен реттелетiн қатынастарға ақпараттық жүйенi қолдана отырып қатысуға құқылы;

12) оңалту рәсiмiн тоқтата тұру туралы сотқа жүгiнедi;

13) осы Заңда көзделген өзге де өкiлеттiктердi орындайды.

2. Кредиторлар жиналысының шешiмiне сәйкес оңалтушы басқарушы:

1) кәдiмгi коммерциялық операциялар шеңберiнен тыс мәмiлелер жасасады;

2) борышкердiң тұтынуға, оның iшiнде борышкер қызметкерлерiне еңбекақы төлеуге жұмсалатын шығыстарды ұлғайтуға әкеп соғатын шешiмдер қабылдайды;

3) оңалту рәсiмiн тоқтату туралы сотқа жүгiнедi;

4) осы Заңда белгiленген жағдайларда, оңалту рәсiмiн тоқтату және борышкердi банкрот деп тану туралы сотқа жүгiнедi.

Осы тармақтың 1), 2) тармақшаларында белгiленген қағидалар оңалту жоспарында көзделген, борышкердiң мүлкiне билiк ету жөнiндегi мәмiлелерге қолданылмайды.

3. Оңалтушы басқарушы өткен айдағы қаржылық жағдайы, кәдiмгi коммерциялық операциялар барысында жасалған мәмiлелер туралы ақпаратты әр айдың 15-iнен кешiктiрмей кредиторлар комитетi мүшелерiнiң назарына жеткiзуге, кредиторлар комитетiнiң талабы бойынша кез келген ақпаратты ұсынуға мiндеттi.

Оңалтушы басқарушы өзiнiң қызметiн жүзеге асыру барысы туралы толық ақпаратты борышкердiң кез келген кредиторына оның жазбаша сұрауы негiзiнде беруге мiндеттi.

4. Егер борышкердiң оңалту рәсiмi қолданылғаннан кейiн туындаған ақшалай мiндеттемелерiнiң жалпы сомасы оңалту рәсiмi қолданылған кездегi кредиттiк берешектiң жалпы сомасының жиырма пайызынан асып кетсе, оңалтушы басқарушы борышкердiң жаңа ақшалай мiндеттемелерiн туғызатын мәмiлелердi кредиторлар комитетiнiң келiсiмiмен ғана жасаса алады.

5. Оңалтушы басқарушы осы Заңның 6-бабында көрсетiлген мән-жайлар кезiнде борышкер жасасқан мәмiлелердi анықтайды және оларды сот тәртiбiмен жарамсыз деп тану не мүлiктi қайтару туралы талаптар қояды.

Ескерту. 51-бап жаңа редакцияда - ҚР 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен.

1. Оңалтушы басқарушы:

1) егер борышкерге қатысты оңалту рәсiмiнiң мақсатына қол жеткiзiлсе;

2) егер ол бұл мақсатқа қол жеткiзу мүмкiн еместiгiне көз жеткiзсе, кредиторлар жиналысының шешiмi бойынша борышкерге қатысты оңалту рәсiмiн тоқтату туралы өтiнiшпен сотқа жүгiнедi.

Оңалтушы басқарушының өтiнiшiне оңалтушы басқарушының қорытынды  есебi қоса берiледi.

Мемлекеттiк қолдау шаралары шеңберiнде бекiтiлген оңалту жоспары орындалған жағдайда, мемлекеттiк қолдау шараларының қатысушысы оңалту рәсiмiн тоқтату туралы өтiнiшпен жүгiнедi.

2. Борышкердi оңалту жоспарын iске асыру не оңалтушы басқарушының iс-әрекеттерi (әрекетсiздiгi) өз мүдделерiне залал келтiредi деп есептейтiн борышкер мүлкiнiң меншiк иесi (ол уәкiлеттiк берген орган) оңалту рәсiмiн тоқтату туралы сотқа жүгiне алады.

3. Кредиторлар жиналысының өткiзiлуi туралы тиiстi түрде хабардар етiлмеген жағдайда, талап сомасы кредиторлар талаптарының тiзiлiмiне енгiзiлген талаптардың жалпы сомасының кемiнде он пайызын құрайтын кредитордың оңалту рәсiмiн тоқтату туралы сотқа жүгiнуге құқығы бар.

4. Кредитор (кредиторлар):

1) борышкердiң кредиторлар талаптарының тiзiлiмiн, оңалту жоспарын құру жөнiндегi iс-әрекеттерi (әрекетсiздiгi) өзiнiң мүлiктiк мүдделерiне залал келтiретiнiн растайтын негiздер болған кезде;

2) кредиторлық берешектi өтеу кестесi үш айдан астам орындалмаған кезде;

3) оңалту рәсiмiн қолдану туралы өтiнiшке қоса берiлген құжаттарда қамтылған дәйексiз мәлiметтердi ұсыну фактiлерi анықталған кезде;

4) борышкердi оңалту жоспарын iске асыру не оңалтушы басқарушының iс-әрекеттерi (әрекетсiздiгi) өзiнiң мүлiктiк мүдделерiне залал келтiретiнiн растайтын негiздер болған кезде оңалту рәсiмiн тоқтату туралы өтiнiшпен сотқа жүгiнуi мүмкiн.

5. Сотқа осы баптың 1-тармағының 2) тармақшасында, 2, 3, 4-тармақтарында көзделген негiздер бойынша оңалту рәсiмiн тоқтату туралы өтiнiш берiлген кезде өтiнiш берушi тұлға борышкердi банкрот деп тану туралы талапты өтiнiште көрсетуге мiндеттi.

Осы тармақтың талаптары орындалмаған жағдайда сот оңалту рәсiмiн тоқтату туралы өтiнiштi қараусыз қалдырады.

6. Кредиторлар жиналысы оңалту рәсiмiн келiсуден бас тартқан не борышкер осы Заңның 37-1-бабының 2-тармағының 4) тармақшасында белгiленген мерзiмде оңалту жоспарын ұсынбаған жағдайларда, сот оңалту рәсiмiн тоқтатады.

Ескерту. 53-бап жаңа редакцияда - ҚР 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен.

Осы Заңның 53-бабының 1-тармағының 2) тармақшасында, 2, 3, 4-тармақтарында көзделген негiздер бойынша оңалту рәсiмi тоқтатылған және банкроттық туралы iс қозғалған (қайта басталған) жағдайда:

1) осы Заңның 43-2-бабында көзделген салдарлар сақталады;

2) борышкердi банкрот деп тану туралы шешiм шығарылғанға және конкурстық басқарушы тағайындалғанға дейiн борышкер мүлкiн және iстерiн басқару құқығы оңалту рәсiмiнде басқаруды жүзеге асырған тұлғада сақталады.

Ескерту. 54-бап жаңа редакцияда - ҚР 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен.

1. Егер дәрменсiз борышкердi оңалту шаралары ретiнде оңалту жоспарына санация енгiзiлсе, санацияға қатысушының борышкерге және/немесе кредиторларға оңалту жоспарына сәйкес сомасы мен мерзiмiн көрсете отырып, ақша аудару туралы жазбаша мiндеттемесi жоспарға қоса берiлуге тиiс.  2. Санацияға қатысушы барлық кредиторлардың талаптарын олармен келiсiлген мерзiмде қанағаттандыруды қамтамасыз ету мiндеттемесiн өз мойнына алуы мүмкiн. Мұндай жағдайда санацияға қатысушы немесе осы Заңның 9-бабының 4, 5 және 6-тармақтарында белгiленген талаптар қолданылмайтын, ол ұсынған адам оңалтуды басқарушы болып тағайындалады.

Бұл ретте санацияға қатысушыға немесе ол ұсынған адамға осы Заңда белгiленген оңалтуды басқарушының құқықтары мен мiндеттерi қолданылады. 3. Сот, сондай-ақ уәкiлеттi орган санацияға қатысушыдан осы баптың 1 және 2-тармақтарында көзделген мiндеттемелердi оның орындау мүмкiндiгiн растайтын құжаттарды сұратып алуға құқылы.

Ескерту. 55-бапқа өзгерту енгiзiлдi - ҚР 1997.07.11. N 154 , 2001.07.11. N 239, 2011.07.15 N 461-IV (алғашқы ресми жарияланғанынан кейiн алты ай өткен соң қолданысқа енгiзiледi) Заңдарымен.

1. Осы Заңның 55-бабының 2-тармағында көзделген мiндеттеменi өз мойнына алған санацияға қатысушы борышкер таратылғаннан кейiн, егер ықтиярсыз күштiң салдарынан немесе кредиторлардың, не борышкердiң (борышкер мүлкi иесiнiң) iс-әрекеттерi салдарынан санация мақсатына қол жеткiзiлмегенiн дәлелдей алмаса, оның өтелмеген мiндеттемелерi бойынша субсидиялық жағынан жауап бередi.

Егер келiсiмде басқаша көзделмесе, санацияға екi немесе одан да көп тұлға қатысқан жағдайда, мұндай жауапкершiлiктi олар бiрiгiп көтередi. 2. Дәрменсiз борышкердiң кредиторлары талаптарын қанағаттандыруды қамтамасыз ету мiндетiн өз мойнына алмаған санацияға қатысушының жауапкершiлiгi қатысушының оңалтуды басқарушымен уәкiлеттi орган және кредиторлар комитетi бекiткен келiсiмiмен белгiленедi.

Ескерту. 57-бапқа өзгерту енгiзiлдi - Қазақстан Республикасының 1998.07.01. N 256 , 2006.01.10. N 115 (ресми жарияланған күнiнен бастап қолданысқа енгiзiледi) Заңдарымен.

1. Санацияның мақсатына жетуге байланысты банкроттық туралы iс бойынша iс жүргiзу тоқтатылған кезде өзiне осы Заңның 55-бабының 2-тармағында көзделген мiндеттеме алған және борышкер мүлкiнiң меншiк иесi болып табылмайтын қатысушы өзi инвестициялаған қаражат сомасында санация басталғанға дейiн шаруашылық серiктестiгiне қатысушылардың, акционерлiк қоғам акционерлерiнiң жалпы жиналысында қабылданған шешiмнiң негiзiнде шаруашылық серiктестiгi қатысушысының, акционерлiк қоғам акционерiнiң құқығына ие болады, ал егер борышкер мемлекеттiк кәсiпорын болып табылса, мемлекеттiк орган мүлкiнiң уәкiлеттi меншiк иесi шешiмiнiң негiзiнде борышкер алдын ала шаруашылық серiктестiгi, акционерлiк қоғам болып қайта ұйымдастырылғаннан кейiн шаруашылық серiктестiгiнiң, акционерлiк қоғам акционерiнiң қатысушы құқығына ие болады. Егер өндiрiстiк кооператив борышкер болып табылса, санацияға қатысушы кооператив мүшелерi жалпы жиналысының шешiмi негiзiнде шаруашылық серiктестiгi борышкер болып, алдын ала қайта ұйымдастырылғаннан кейiн шаруашылық серiктестiгiнiң қатысушысы құқығына ие болады.

Аталған шешiм сотқа оңалту жоспарымен бiрге ұсынылуға тиiс.

Бұл жағдайда құрылған шаруашылық серiктестiгi жарғылық капиталының мөлшерi, жарғылық капитал екi жыл бойы белгiленген мөлшерге дейiн толықтырылған жағдайда, Қазақстан Республикасының заңнамасында көзделген ең төменгi мөлшерден аз болуы мүмкiн. 2. Санацияға екi немесе одан да көп тұлғалар қатысқан жағдайда борышкердiң мүлкiндегi үлес мөлшерi олардың әрқайсысы санация мақсаты үшiн пайдаланған қаражаттың сомасына қарай белгiленедi.

Ескерту. 58-бапқа өзгерту енгiзiлдi - Қазақстан Республикасының 2001.07.11. N 239 , 2008.07.05. N 60-IV (қолданысқа енгiзiлу тәртiбiн 2-баптан қараңыз) Заңдарымен.

Конкурсты басқарушы: 1) ол тағайындалған күннен бастап он жұмыс күнiнен аспайтын мерзiмде осы Заңның талаптарына сәйкес кредиторлар комитетiнiң құрамын қалыптастырады, оны уәкiлеттi органның бекiтуiне ұсынады; 1-1) осы Заңның 14-бабының 2-тармағында көзделген хабарламаны жiбередi.

Комитеттiң бiрiншi отырысы осы Заңның 12-бабының 1-тармағында белгiленген мерзiмдерде өткiзiледi; 1-2) уәкiлеттi органның оны тағайындаған күнiнен бастап он жұмыс күнi iшiнде Қазақстан Республикасының бүкiл аумағында және борышкердiң тұрған жерi бойынша тиiстi әкiмшiлiк-аумақтық бiрлiкте таратылатын, белгiленген тәртiппен нормативтiк құқықтық актiлердi ресми жариялау құқығын алған мерзiмдi баспасөз басылымдарында борышкердi банкрот деп тану туралы және кредиторлардың талаптарды мәлiмдеу тәртiбi туралы жарияланымды қазақ және орыс тiлдерiнде орналастырады; 1-3) уәкiлеттi орган оны тағайындаған күннен бастап жетi жұмыс күнi iшiнде мемлекеттiк статистика саласындағы уәкiлеттi органның аумақтық органына соттың заңды тұлғаны банкрот деп тану туралы шешiмiнiң көшiрмесiн ұсынады; 2) борышкердiң мүлкiн қорғауға және бақылауға алады; 3) борышкер алдында берешегi бар тұлғаларға осы берешектi заңда белгiленген тәртiппен өндiрiп алу туралы талаптар қояды; 4) осы Заңның 6-бабында аталған мән-жайлар кезiнде борышкер жасаған мәмiлелердi анықтайды және оларды жарамсыз деп тану туралы не сот тәртiбiмен мүлiктi қайтару туралы талаптар қояды; 5) банкроттың қызметкерлерiне Қазақстан Республикасының еңбек заңнамасына сәйкес алдағы уақытта еңбек шартының тоқтатылатыны туралы хабарлайды; 5-1) iс-шараларын жоспарын қоса алғанда, кредиторлар комитетiмен жасасқан келiсiмнiң талаптарын орындайды; 6) кредиторлардың талаптарын өтеу мақсатында банкроттың мүлiктерiн (активтерiн) сату жоспарын кредиторлар комитетiнiң бекiтуiне ұсынады және оны өткiзудi жүзеге асырады; 6-1) уәкiлеттi органның сұратуы бойынша оған конкурстық iс жүргiзу жөнiнде қажеттi ақпаратты табыс етедi; 6-2) алдыңғы айдағы конкурстық iс жүргiзу рәсiмiн жүзеге асыру барысы туралы толық ақпаратты әр айдың 15-iнен кешiктiрмей кредиторлар комитетiне табыс етедi;

6-3) борышкердiң кез келген кредиторына оның жазбаша сұратуы негiзiнде өз қызметiн жүзеге асыру барысы туралы толық ақпаратты ұсынады; 7) кредиторлармен есеп айырысады; 8) борышкердi банкроттыққа жеткiзгенi үшiн жауапты адамдарды (борышкердiң лауазымды адамдарын, қатысушыларын (құрылтайшыларын) анықтап, сотқа жүгiнедi; 9) кредиторлар талаптарының тiзiлiмiн жүргiзедi; 9-1) түгендеудi жүргiзедi; 9-2) сот қорытынды есептi бекiткеннен кейiн банкрот деп танылған кәсiпорынның банктiк шоттарын жабуға, салық органына салық төлеушi куәлiгiнiң және қосылған құн салығы бойынша есепке қою туралы куәлiктiң (олар бар болса) бланкiлерiн тапсыруға мiндеттi; 9-3) борышкердi банкрот деп тану туралы шешiмнiң күшi жойылған кезде, өзi шеттетiлген күннен бастап үш жұмыс күнiнен кешiктiрiлмейтiн мерзiмде борышкердiң құрылтай, қаржылық және оның мүлкiне құқық белгiлейтiн құжаттарын қоса алғанда, барлық құжаттарын, борышкердiң барлық мүлкiн (активтерiн), сондай-ақ борышкердiң мөрiн жаңадан тағайындалған конкурстық басқарушыға немесе борышкердiң басшысына беруге мiндеттi; 10) осы Заңға сәйкес өзге де өкiлеттiгi болады.

Ескерту. 70-бапқа өзгерiс енгiзiлдi - ҚР 1998.07.01 N 256, 2001.07.11 N 239, 2003.03.13 N 395, 2006.01.10 N 115 (ресми жарияланған күнiнен бастап қолданысқа енгiзiледi), 2007.05.15 N 253, 2008.07.05 N 60-IV (қолданысқа енгiзiлу тәртiбiн 2-баптан қараңыз), 2008.12.10 N 101-IV (2009.01.01 бастап қолданысқа енгiзiледi), 2010.03.19 № 258-IV, 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi), 2012.04.27 N 15-V (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңдарымен.

1. Конкурстық массаның құрамына: 1) борышкердiң мүлкi, соның iшiнде оның қаржылық құжаттарында көрсетiлмеген, бiрақ осы Заңның 83-бабының 2-тармағында көрсетiлген мүлiктi қоспағанда, талап құқығын (дебиторлық берешектi) қоса алғанда, борышкердiң меншiк құқығын растайтын құжаттары бар мүлкi; 2) Қазақстан Республикасының жер заңнамасымен көзделген жағдайда, борышкердiң тұрақты және уақытша жер пайдалану құқығы кiредi. 2. Конкурстық массаға толық серiктестердiң жеке мүлкi, толық және коммандиттiк серiктестердiң бұрынғы қатысушыларының, қосымша жауапкершiлiктi серiктестер қатысушыларының, сондай-ақ банкроттың мүлкi жетпеген кезде Қазақстан Республикасының азаматтық iс жүргiзу заңнамасына сәйкес өндiрiп алу қолданылуы мүмкiн болатын өндiрiстiк  кооператив мүшелерiнiң өз мүлкi кiредi және жеке есептеледi. 3. Өзге тұлғалардың борышкердi банкроттыққа дейiн жеткiзгенi үшiн субсидиялық жауапкершiлiгi Қазақстан Республикасының заңнамасында көзделген жағдайларда бұл жауапкершiлiк мөлшерi кредиторлар талаптарының жалпы сомасы мен борышкер мүлкiнiң конкурстық массасының арасындағы айырма ретiнде айқындалады. Конкурсты басқарушы мұндай тұлғаларға борышкердiң барлық кредиторларының мүдделерiнде талаптар қоюға мiндеттi. Жекелеген кредиторлардың өз мүдделерiн көздеп мұндай талаптар қоюына жол берiлмейдi. 4. Конкурстық массаға: 1) мемлекеттiк материалдық резервтiң материалдық құндылықтары; 2) арнайы қаржы компаниясының жобалық қаржыландыру кезiндегi мiндеттемелерi бойынша қамтамасыз ету және Қазақстан Республикасының жобалық қаржыландыру және секьюритилендiру туралы заңнамасына сәйкес секьюритилендiру кезiндегi облигациялар бойынша қамтамасыз ету болып табылатын бөлiнген активтер және ипотекалық облигациялар бойынша мынадай қамтамасыз ету болып табылатын кепiл мүлкi: ипотекалық тұрғын үй қарызы шарттары бойынша талап ету құқығы (ипотекалық куәлiктердi қоса алғанда), сондай-ақ көрсетiлген облигацияларды ұстаушыларда меншiк құқығы мәмiлелер бойынша не Қазақстан Республикасының заңнамалық актiлерiнде көзделген өзге де негiздер бойынша туындаған немесе ауысқан жағдайларда Қазақстан Республикасының мемлекеттiк бағалы қағаздары енгiзiлмейдi. Тарату комиссиясы көрсетiлген мүлiк пен бөлiнген активтердi кредиторлардың талаптарын қанағаттандыру үшiн Қазақстан Республикасының жобалық қаржыландыру және секьюритилендiру туралы заңнамасына сәйкес айқындалған ипотекалық облигацияларды ұстаушылардың өкiлiне, кредиторлардың және (немесе) облигацияларды ұстаушылардың өкiлiне бередi; 3) Қазақстан Республикасының жер қойнауы және жер қойнауын пайдалану туралы заңдарына сәйкес құрылған тарату қорларының қаражаты; 4) концессия объектiсiнiң құрамына кiретiн мүлiк; 5) Қазақстан Республикасының Экологиялық кодексiнде көзделген шығарындыларды азайту, шығарындылардың сертификатталған азайтулары, шығарындыларды iшкi азайту, парниктiк газдарды сiңiру квоталарының бiрлiктерi енгiзiлмейдi.

Ескерту. 74-бапқа өзгерiс енгiзiлдi - ҚР 1998.07.01 N 256, 2001.07.11 N 239, 2003.06.03 N 427, 2006.01.10 N 115 (ресми жарияланған күнiнен бастап қолданысқа енгiзiледi), 2006.02.20 N 127 (қолданысқа енгiзiлу тәртiбiн 2-баптан қараңыз), 2006.07.05 N 165 (қолданысқа енгiзiлу тәртiбiн 2-баптан қараңыз), 2008.07.05 N 60-IV (қолданысқа енгiзiлу тәртiбiн 2-баптан қараңыз), 2011.12.03 N 505-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi), 2012.01.12 № 539 (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңдарымен.

1. Әкiмшiлiк және сот шығыстары борышкер мүлкiнiң есебiнен кезектен тыс өтеледi.

Әкiмшiлiк шығыстарының сомасын, кредиторлар комитетiнiң оңалтушы немесе конкурстық басқарушымен келiсiмi арқылы айқындалған сметаның шектерiнде, олардың туындауына қарай оңалтуды немесе конкурстық басқарушы төлеуi мүмкiн. 2. Таратылатын банкрот өмiрiне немесе денсаулығына келтiрiлген зиян үшiн жауап беретiн азаматтардың жалақыдан және (немесе) өзге кiрiстен ұсталған алименттердi, сондай-ақ талаптарды төлеу бойынша талаптары тиiстi уақтылы төленетiн капиталға айналдыру арқылы бiрiншi кезекте қанағаттандырылады. 3. Еңбек шарты бойынша жұмыс iстеген адамдарға еңбегiне ақы мен өтемдер, Мемлекеттiк әлеуметтiк сақтандыру қорына әлеуметтiк аударымдар бойынша еңбекақыдан ұсталған мiндеттi зейнетақы жарналарын төлеу бойынша берешектердi өтеу, сондай-ақ авторлық шарттар бойынша сыйақы төлеу жөнiндегi есеп айырысулар, осы Заңның 78-бабында көзделген жағдайларды қоспағанда, екiншi кезекте жүргiзiледi. 4. Кредиторлардың таратылған банкрот мүлкiнiң кепiлмен қамтамасыз етiлген мiндеттемелерi бойынша талаптары қамтамасыз ету сомасы шегiнде үшiншi кезекте қанағаттандырылады. 5. Салық және бюджетке төленетiн басқа да мiндеттi төлемдер жөнiндегi берешек төртiншi кезекте өтеледi. 6. Басқа кредиторлармен есеп айырысу осы Заңға және басқа да Қазақстан Республикасының заңнамалық актiлерiне сәйкес бесiншi кезекте жүргiзiледi.

Ескерту. 75-бапқа өзгерту енгiзiлдi - Қазақстан Республикасының 1998.07.01. N 256 , 2001.07.11. N 239 , 2004.04.08. N 542 , 2006.01.10. N 115 (ресми жарияланған күнiнен бастап қолданысқа енгiзiледi), 2008.07.05. N 60-IV (қолданысқа енгiзiлу тәртiбiн 2-баптан қараңыз) Заңдарымен.

1. Әрбiр кезектiң талаптары алдыңғы кезектегi талаптар толық қанағаттандырылған соң қанағаттандырылады.

Кредитордың талабы оның келiсiмiмен Қазақстан Республикасының заңнамасына қайшы келмейтiн әдiстермен, соның iшiнде ақша түрiнде және (немесе) мүлiктi заттай беру арқылы қанағаттандырылуы мүмкiн.

Салық және бюджетке төленетiн басқа да мiндеттi төлемдер бойынша, Мемлекеттiк әлеуметтiк сақтандыру қорына әлеуметтiк аударымдар және мiндеттi зейнетақы жарналары бойынша кредитордан басқа кредитор мүлiктi он конкурстық басқарушы ұсынған күннен бастап он бес күн мерзiмде талапты өтеу есебiне заттай қабылдау туралы өзiнiң жазбаша келiсiмiн (келiспеуiн) бiлдiруге тиiс. Кредитордың белгiленген мерзiмде жазбаша келiсiмiн ұсынбауы мүлiктi заттай алудан бас тартуы деп танылады. 2. Банкроттың мүлкi жеткiлiксiз болған жағдайда ол тиiстi кезектегi кредиторлар арасында олардың қанағаттандыруға тиiстi талаптарының сомаларына сәйкес бөлiнедi. 3. Конкурсты басқарушы кредитордың талаптарын қанағаттандырудан не оны қараудан бас тартылған жағдайда кредитор тарату балансын бекiткенге дейiн конкурсты басқарушыға талап қойып сотқа жүгiнуге құқылы. 4. Кредиторлардың осы Заңның 71-бабының 1-тармағында көзделген мерзiм бiткеннен кейiнгi, бiрақ тарату балансы бекiтiлгенге дейiнгi талаптары, кредиторлардың белгiленген мерзiмде мәлiмделген талаптары қанағаттандырылғаннан кейiн қалған борышкердiң мүлкiнен қанағаттандырылады. 5. Бiрiншi және екiншi кезектегi кредиторлардың барлық кредиторлармен есеп айырысқанша қойған талаптары конкурстық мүлiктiң есебiнен қанағаттандырылуға тиiс. Мұндай талаптар тiзiлiмге енгiзiлгенге дейiн тиiстi кезекте тұрған кредиторлардың талаптарын өтеу тоқтатыла тұрады. Белгiленген мерзiмде бiлдiрiлген, бiрақ конкурстық басқарушының тарапынан мойындалмаған, оларды қанағаттандыру туралы соттың шешiмi бар, басқа кезектердегi кредиторлардың талаптары да осындай тәртiппен қанағаттандырылуға тиiс. 6. Банкроттың мүлкi жетпегендiктен қанағаттандырылмаған, сондай-ақ тарату балансы бекiтiлгенге дейiн мәлiмделмеген кредиторлардың талаптары өтелген деп есептеледi.

Көрсетiлген сомаларды конкурстық iс жүргiзудiң аяқталғандығы туралы сот ұйғарымының негiзiнде кредиторлар дебиторлық берешектен шығаруға тиiс.

Ескерту. 76-бапқа өзгерту енгiзiлдi - Қазақстан Республикасының 1998.07.01. N 256 , 2001.07.11. N 239 , 2006.01.10. N 115 (ресми жарияланған күнiнен бастап қолданысқа енгiзiледi), 2008.07.05. N 60-IV (қолданысқа енгiзiлу тәртiбiн 2-баптан қараңыз) Заңдарымен.

1. Бесiншi кезектегi талаптардың құрамына енетiн талаптардың сомасын айқындау кезiнде кредиторлардың азаматтық-құқықтық мiндеттемелерi бойынша талаптары, оның iшiнде кредиторларға тиесiлi сыйақы (мүдде), кредиторлардың кепiлмен қамтамасыз етiлген мiндеттемелерi бойынша талаптарын қоспағанда, осы Заңның 78-бабының 2 және 3-тармақтарында көзделген жағдайларда еңбек шарты бойынша жұмыс iстеген адамдарға еңбекақы төлеу мен өтем төлеу жөнiндегi кредиторлардың және заңды тұлға құрылтайшыларының (қатысушыларының) талаптары ескерiледi. 2. Бесiншi кезектегi кредиторлардың зияндарды өтеу және айыпты (айыппұл, өсiм) өндiрiп алу жөнiндегi талаптары жеке есепке алынады және қарыздар мен есептелетiн сыйақы (мүдде) өтелгеннен кейiн қанағаттандырылуға тиiс.

Ескерту. 81-бапқа өзгерту енгiзiлдi - Қазақстан Республикасының 1997.07.11. N 154 , 2001.07.11. N 239 Заңдарымен.

1. Осы Заңның 17-бабының 2-тармағында көзделген мән-жайлар анықталған кезде заңды тұлғаның органы немесе тарату комиссиясы борышкердi банкрот деп тану туралы сотқа өтiнiш беруге мiндеттi. Тарату комиссиясы аталған мән-жайларды анықтаған кезде ол туралы заңды тұлға-борышкердiң басқарушы органына хабарлауға мiндеттi. 2. Сот iс қозғаған кезден бастап борышкер мүлкiнiң меншiк иесiне және оның құрылтайшыларына (қатысушыларына) осы Заңның 28-бабында көзделген салдарлар қолданылады.

Ескерту. 89-бапқа өзгерту енгiзiлдi - Қазақстан Республикасының 2001.07.11. N 239 , 2006.01.10. N 115 (ресми жарияланған күнiнен бастап қолданысқа енгiзiледi) Заңдарымен.

Осы Заңның 65-88-баптарында көзделген тәртiппен борышкердi таратуды конкурсты басқарушысы жүзеге асырады.

Ескерту. 91-бапқа өзгерту енгiзiлдi - Қазақстан Республикасының 1998.07.01. N 256 Заңымен .

1. Меншiк иесi, заңды тұлғаның құрылтайшылары (қатысушылары) тарапынан оны тарату туралы шешiм қабылдануы кредитордың мұндай заңды тұлғаны банкрот деп тану туралы сотқа жүгiнуiне кедергi болмайды. 2. Борышкердi банкрот деп тану туралы сот шешiм қабылдаған жағдайда осы тараудың ережелерi қолданылмайды, ал борышкердiң таратылуы осы Заңның 65-88-баптарында көзделген ережелерге сәйкес жүзеге асырылады.  

1. Сот жоқ борышкерге қатысты банкроттық туралы iстi кредитордың, прокурордың мәлiмдемесi бойынша қозғауы мүмкiн.

Осы Заңның 3-бабының 4-тармағында белгiленген ережелер жоқ борышкерге қатысты қолданылмайды.

2. Сот iс қозғалған күннен бастап бес жұмыс күнi iшiнде жоқ борышкердi банкрот деп тану және конкурстық iс жүргiзудi қозғау туралы шешiм шығарады.

3. Жоқ борышкердi таратуды, осы баптың 5-тармағында көзделген жағдайларды қоспағанда, уәкiлеттi орган тағайындайтын конкурстық басқарушы жүзеге асырады.

4. Конкурстық басқарушы соттың борышкердi банкрот деп тану және оны тарату туралы шешiмi күшiне енген күннен бастап он жұмыс күнi iшiнде Қазақстан Республикасының бүкiл аумағында және борышкердiң тұрған жерi бойынша тиiстi әкiмшiлiк-аумақтық бiрлiкте таратылатын, белгiленген тәртiппен нормативтiк құқықтық актiлердi ресми жариялау құқығын алған мерзiмдi баспасөз басылымдарында борышкердi банкрот деп тану туралы және осы Заңның 71-бабында белгiленген қағидалар бойынша кредиторлардың талаптарды мәлiмдеу тәртiбi туралы жарияланымды қазақ және орыс тiлдерiнде орналастырады, сондай-ақ сот шешiмiнiң көшiрмесiн мемлекеттiк статистика саласындағы уәкiлеттi органның аумақтық органына жiбередi.

5. Жоқ борышкердiң мүлкi болмаған жағдайда не егер оның құны конкурстық iс жүргiзуге байланысты әкiмшiлiк шығыстарды жабуға жеткiлiктi болмаса, сот уәкiлеттi органның келiсiмiмен және мәлiмдеушi табыс еткен растаушы құжаттар негiзiнде жоқ борышкердi конкурстық iс жүргiзудi қозғамай банкрот деп тану туралы шешiм шығарады.

Мәлiмдеушi жоқ борышкердi банкрот деп тану және оны тарату туралы хабарландыруды он жұмыс күнi iшiнде Қазақстан Республикасының бүкiл аумағында және борышкердiң тұрған жерi бойынша тиiстi әкiмшiлiк-аумақтық бiрлiкте таратылатын, белгiленген тәртiппен нормативтiк құқықтық актiлердi ресми жариялау құқығын алған мерзiмдi баспасөз басылымдарында қазақ және орыс тiлдерiнде жариялайды.

Жоқ борышкердi банкрот деп тану туралы сот шешiмiнде мынадай нұсқаулар болуға тиiс:

1) борышкердi конкурстық iс қозғамай тарату туралы;

2) уәкiлеттi органға жоқ борышкердiң таратылуын ұйымдастыруды тапсыру туралы;

3) шешiм шығарылғанға дейiн сотқа жүгiнген кредиторлардың мәлiмделген талаптарының сомасы туралы.

Ескерту. 94-бапқа өзгерiс енгiзiлдi - ҚР 1998.07.01 N 256, 2001.07.11 N 239, 2003.03.13 N 395, 2006.01.10 N 115 (ресми жарияланған күнiнен бастап қолданысқа енгiзiледi), 2008.07.05 N 60-IV (қолданысқа енгiзiлу тәртiбiн 2-баптан қараңыз), 2010.03.19 № 258-IV, 2012.04.27 N 15-V (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңдарымен.

1. Кредиторлардың талаптарын қанағаттандыру осы Заңның 75-бабында көзделген кезек ретiмен жүзеге асырылады. Кредиторлар тарату балансы бекiтiлген кезге дейiн өз талаптарын конкурсты басқарушының қарауы нәтижелерi жөнiнде сотқа шағым жасауға құқылы. 2. Кредиторлармен есеп айырысқаннан кейiн конкурстық басқарушы тарату балансын және кредиторлардың талаптары қанағаттандырылғаннан кейiн қалған мүлiктi пайдалануы туралы есептi қоса өзiнiң қызметi туралы қорытынды есептi сотқа табыс етедi.

Конкурстық басқарушының қорытынды есебi ол сотқа табыс етiлгенге дейiн уәкiлеттi органмен келiсiлуге тиiс. 3. Борышкер конкурстық басқарушының қорытынды есебiн бекiту туралы сот ұйғарымының негiзiнде борышкер қызметiнiң тоқтатылғаны туралы мәлiметтер Бизнес-сәйкестендiру нөмiрлерiнiң ұлттық тiзiлiмiне немесе Салық төлеушiлердiң мемлекеттiк дерекқорына енгiзiлген кезден бастап таратылды деп есептеледi, бұл таратылған борышкердiң кредиторлар алдындағы берешегiн есептен шығару үшiн негiз болып табылады. 4. Егер заңды тұлғаны тарату лауазымды және оның атынан өкiлдiк етуге уәкiлеттi тұлғалар болмаған кезде конкурстық iс қозғалмай жүргiзiлген жағдайда, уәкiлеттi орган осы Заңның талаптарына сәйкес кредитор талаптарының тiзiлiмi мен қорытынды есептiң жасалуын ұйымдастырады.

Жоқ борышкердiң мүлкi болған жағдайда уәкiлеттi орган оны Қазақстан Республикасының заңдарында белгiленген тәртiппен сатуды ұйымдастырады. Мұндай мүлiктi сатудан түскен ақша жоқ борышкердi таратуға байланысты шыққан шығыстарды жабуға жұмсалады. Егер алынған ақша жоқ борышкердi таратуға шыққан шығынның құнынан асып кетсе, ол осы Заңда белгiленген кезектiлiкке сәйкес тиiстi кезектегi кредиторлар арасында бөлiнедi.

Ескерту. 95-бапқа өзгерiс енгiзiлдi - ҚР 2001.07.11 N 239 , 2006.01.10 N 115 (ресми жарияланған күнiнен бастап қолданысқа енгiзiледi), 2008.12.10 N 101-IV (2009.01.01 бастап қолданысқа енгiзiледi), 2012.12.24 N 60-V (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңдарымен. 8-тарау. СОТТАН ТЫС ТАРАТУ РӘСIМДЕРI Ескерту. 8-тарау алып тасталды - ҚР-ның 2008.07.05. N 60-IV (қолданысқа енгiзiлу тәртiбiн 2-баптан қараңыз) Заңымен. 9-тарау. ҚАЛА САЛУШЫ ЗАҢДЫ ТҰЛҒАЛАРДЫҢ БАНКРОТҚА ҰШЫРАУ

ЕРЕКШЕЛIКТЕРI

1. Конкурстық басқарушының мәлiмдемесi бойынша кредиторлар комитетiнiң келiсiмiмен уәкiлеттi орган осы Заңның 65-бабының 2-тармағына сәйкес белгiленген конкурстық iс жүргiзу мерзiмiн бiр жылдан аспайтын мерзiмге ұзартуы мүмкiн. 2. Конкурстық басқарушы кредиторлар комитетiнiң келiсiмiмен борышкердiң конкурстық массасының құнын ұстап тұру жөнiндегi iс-шараларды жүзеге асырады, оларға мыналар жатады: 1) Қазақстан Республикасының жер заңдарына сәйкес жердi қорғау жөнiндегi iс-шаралар; 2) егiс және егiн жинау жұмыстары, жануарларды, құстарды, бал арасын ұдайы молайту және өсiру, өсiмдiк шаруашылығы, мал шаруашылығы, құс шаруашылығы, ара шаруашылығы өнiмдерiн ұқсату; 3) борышкер мүлкiн сату үшiн қалыпты жағдайда ұстауға байланысты шаралар.

Конкурстық массаның құнын ұстап тұру жөнiндегi шығыстар әкiмшiлiк шығыстарға жатқызылады.

1. Конкурстық басқарушы борышкердiң жер пайдалану құқығының тиiсiнше ресiмделуiн қамтамасыз етуге мiндеттi, бұл ретте шыққан шығыстар әкiмшiлiк шығыстарға жатқызылады.

2. Борышкердiң мүлкiн сату осы Заңның 84-бабына сәйкес жүргiзiледi. Бұл ретте, борышкердiң мүлкiн сату жоспарына, қызметтiң негiзгi түрiн мiндеттi сақтай отырып, конкурстық массаны бiрыңғай лотпен аукцион нысанындағы конкурстық сауда-саттыққа бастапқы қою жөнiндегi қосымша шарт енгiзiледi.

3. Егер аукцион болмай қалған не оған қатысушылардың ешқайсысы бiрыңғай лотты алмаған жағдайда, оны одан әрi сату уәкiлеттi органның және кредиторлар комитетiнiң келiсiмiмен бөлектенген лот бойынша жүзеге асырылады.

4. Конкурстық массаны бөлектенген лот бойынша сатып алушы болмаса, кредиторлар өз талаптарын банкрот мүлкi есебiнен, өз талаптарының сомасына барабар осы Заңның 75-бабында белгiленген конкурстық массаны бөлу кезектiлiгiне сәйкес заттай қанағаттандыруға құқылы.

5. Конкурстық массаны сату жөнiндегi аукцион өткiзудiң уақыты мен орнын кредиторлар комитетiнiң келiсiмiмен конкурстық басқарушы анықтайды.

6. Борышкердiң - ауылшаруашылық ұйымының конкурстық массасын сату жөнiндегi аукционды өткiзу тәртiбiн Қазақстан Республикасының Үкiметi анықтайды.

Ескерту. 9-1-тараумен толықтырылды - Қазақстан Республикасының 2001.07.11. N 239 Заңымен .