Банкроттық туралы
1-бап. Осы Заңда пайдаланылатын негiзгi ұғымдар

Осы Заңда мынадай негiзгi ұғымдар пайдаланылады: 1) ақшалай мiндеттеме - борышкердiң кредиторлар жеткiзген (берiп жiберген) тауарлардың (орындалған жұмыстардың, көрсетiлген қызметтердiң) құнын төлеуге, пайдаланғаны үшiн сыйақы (мүдде) төлей отырып, қарыз сомасын қайтаруға, сондай-ақ ақшалай сипаттағы өзге де талаптар бойынша төлемдердi жүзеге асыруға мiндеттiлiгi; 2) ауыл шаруашылығы ұйымы - жердi пайдалана отырып ауыл шаруашылығы өнiмiн өндiретiн; мал шаруашылығының, құс шаруашылығының (оның iшiнде төлдi өсiруден бастап толық циклды асыл тұқымды шаруашылықтардың), бал ара шаруашылығының ауыл шаруашылығы өнiмiн өндiретiн, осы өнiмдi, оның iшiнде ұқсатылған өнiмдi өткiзуден түсетiн табысы жылдық табыстың жалпы сомасының елу процентiнен асатын ұйым; 3) әдейi банкроттық - коммерциялық ұйым басшысының немесе меншiк иесiнiң, сол сияқты дара кәсiпкердiң жеке өз мүдделерiн немесе өзге тұлғалардың мүдделерiн көздей отырып жасаған төлем қабiлетсiздiгiн қасақана жасауы немесе ұлғайтуы; 4) әкiмшiлiк шығыстар – осы Заңда белгiленген тәртiппен кредиторлар таныған, төленуi жөнiндегi мiндет банкроттық, оңалту немесе сырттай байқау рәсiмi туралы iс қозғалған сәттен бастап және қозғалғаннан кейiнгi кезең iшiнде туындайтын, тартылатын мамандардың қызмет көрсетуiне ақы төлеу бойынша шығындарды, оңалтушы және конкурстық басқарушыларға, сондай-ақ сырттай байқау әкiмшiсiне ағымдағы төлемдер сомасын қоса алғанда, сырттай байқау рәсiмiне, оңалту рәсiмiне, конкурстық iс жүргiзу рәсiмiне, борышкердi конкурстық iс қозғамай тарату рәсiмiне бастамашылық жасаумен және оларды өткiзумен байланысты шығыстар.

Оңалту рәсiмi, конкурстық iс жүргiзу рәсiмi қолданылған салық кезеңiнен кейiнгi салық кезеңдерi үшiн салық есептiлiгiне сәйкес салық төлеушi есептеген, салықтық тексерулер нәтижелерi бойынша салық қызметi органы есепке жазған салық және бюджетке төленетiн басқа да мiндеттi төлемдер де әкiмшiлiк шығыстарға жатады; 5) банкрот - дәрменсiздiгiн сот белгiлеген борышкер; 6) банкроттық - борышкердiң сот шешiмiмен танылған оны таратуға негiз болатын дәрменсiздiгi; 7) банкроттық саласындағы уәкiлеттi орган (бұдан әрi – уәкiлеттi орган) – банкроттық саласында мемлекеттiк реттеудi жүзеге асыратын (банктердi, сақтандыру (қайта сақтандыру) ұйымдарын және ерiктi жинақтаушы зейнетақы қорларын қоспағанда) мемлекеттiк орган; 8) борышкер – төлемге қабiлетсiздiгi немесе дәрменсiздiгi оған осы Заңда көзделген рәсiмдердi қолдануға негiз болып табылатын дара кәсiпкер немесе заңды тұлға; 9) борышкердi мәжбүрлеп тарату - кредиторлардың, прокурордың өтiнiштерi негiзiнде сот шешiмi бойынша жүзеге асырылатын дәрменсiз борышкердiң қызметiн тоқтату; 9-1) бiртектi кредиторлар тобы – борышкерге қоятын бiрдей талаптары бар және оларды қанағаттандыруда бiр-бiрiнiң алдында артықшылығы жоқ кредиторлар тобы.

Бiртектi кредиторлар топтарын:

өмiрге немесе денсаулыққа келтiрiлген зиянды өтету туралы талаптар бойынша кредиторлар;

еңбек шарттары бойынша еңбекақы және өтемақылар төлеу, сондай-ақ Мемлекеттiк әлеуметтiк сақтандыру қорына әлеуметтiк аударымдар мен жалақыдан ұсталған мiндеттi зейнетақы жарналары бойынша берешектердi төлеу бойынша кредиторлар;

кепiлмен қамтамасыз етiлген мiндеттемелер бойынша кредиторлар;

салық және бюджетке төленетiн басқа да мiндеттi төлемдер бойынша кредиторлар;

тауарларды, жұмыстар мен көрсетiлетiн қызметтердi жеткiзу шарттарынан туындайтын талаптар бойынша кредиторлар;

кепiлмен қамтамасыз етiлмеген кредит (микрокредит) алуға арналған шарттардан туындайтын талаптар бойынша кредитор – қаржылық ұйымдар құрауы мүмкiн; 10) дәрменсiздiк - ақшалай мiндеттемелер бойынша кредиторлардың талабын толық көлемде қанағаттандыруға, еңбек шарты бойынша жұмыс iстейтiн тұлғалармен еңбекақы төлеу бойынша есеп айырысуды жүргiзуге, салық және бюджетке төленетiн басқа да мiндеттi төлемдердi, Мемлекеттiк әлеуметтiк сақтандыру қорына әлеуметтiк аударымдарды, сондай-ақ мiндеттi зейнетақы жарналарын төлеудi қамтамасыз етуге борышкердiң сот белгiлеген қабiлетсiздiгi; 11) жалған банкроттық - коммерциялық ұйым басшысының немесе меншiк иесiнiң, сол сияқты дара кәсiпкердiң кредиторларға тиесiлi төлемдердi кейiнге қалдыру немесе ұзарту немесе борыштардан шегерiм жасатқызу үшiн, сол сияқты борыштарды төлемеуi үшiн кредиторларды жаңылыстыру мақсатында өзiнiң дәрменсiздiгi туралы көрiнеу жалған хабарлауы; 11-1) жеделдетiлген оңалту рәсiмi – сотқа дейiнгi тәртiппен кредиторлармен келiсiлген оңалту жоспары негiзiнде борышкерге қолданылатын сот рәсiмi; 12) жоқ борышкер - тұрақты органының, сондай-ақ заңды тұлға оларсыз өз қызметiн жүзеге асыра алмайтын құрылтайшыларының, қатысушыларының, менеджерлерi мен лауазымды адамдарының тұрғылықты жерiн немесе тұрған жерiн алты ай iшiнде анықтау мүмкiн емес борышкер; 13) кепiлдi кредитор - талаптары борышкердiң мүлкiн кепiлге салумен қамтамасыз етiлген мiндеттемелер бойынша кредитор; 14) конкурстық басқарушы - конкурстық iс жүргiзудi жүзеге асыру үшiн белгiленген тәртiппен тағайындалған адам; 15) конкурстық кредитор - өзiнiң мүлiктiк талаптарын қанағаттандыруда заңнаманың күшiмен де, кепiл туралы келiсiмнiң күшiмен де артықшылығы жоқ кредитор; 16) конкурстық масса - борышкердiң конкурстық iс жүргiзу процесiнде шығынды өндiрiп алуға болатын мүлкi, сондай-ақ осы Заңда көзделген жағдайларда, өзге де тұлғалардың мүлкi; 17) конкурстық iс жүргiзу - кредиторлардың талаптарын қанағаттандыру және банкротты (дәрменсiз борышкердi) борыштардан босатылған деп жариялау мақсатында жүзеге асырылатын рәсiм; 18) кредитор - еңбекке ақы төлеу, Мемлекеттiк әлеуметтiк сақтандыру қорына әлеуметтiк аударымдарды төлеу, авторлық сыйақы төлеу, салық және бюджетке төленетiн басқа да мiндеттi төлемдер бойынша мiндеттемелердi қоса алғанда, борышкерге азаматтық-құқықтық және өзiнiң өзге де мiндеттемелерiнен туындайтын мүлiктiк талаптары бар тұлға; 18-1) кәдiмгi коммерциялық операциялар – борышкердiң күнделiктi жұмыс iстеуiн сақтап тұру мақсатында өндiрiлетiн тауарлардың, жұмыстардың, көрсетiлетiн қызметтердiң айналымымен байланысты, тұрақты сипаты бар iс-әрекеттер; 19) лауазымды адам - дәрменсiз борышкер - заңды тұлғаның басшысы (басшысының орынбасары), сондай-ақ заңды тұлғаны басқару жөнiндегi өкiлеттiк берiлген, заңды тұлғаның алқалы атқарушы органына кiретiн өзге де адам; 19-1) мемлекеттiк қолдау шаралары – Қазақстан Республикасының Үкiметi айқындаған тәртiппен ұйымға қатысты қолданылатын, қаржылық сауықтыруға бағытталған шаралар; 20) мониторинг - ақпаратты жинауға, өңдеуге және төлем қабiлетi жоқ және дәрменсiз ұйымдарға қаржы-экономикалық сауықтыру шараларын уақтылы қолдану және кредиторлардың мүддесiн қорғау мақсатында олардың қаржы-экономикалық жай-күйiне талдау жасауға бағытталған iс-шаралар кешенi; 21) оңалтушы басқарушы - осы Заңда белгiленген тәртiппен оңалту рәсiмiнiң кезеңiне дәрменсiз борышкердiң мүлкiн және iстерiн басқару жөнiндегi өкiлеттiк берiлетiн адам; 21-1) оңалту жоспары – оңалту рәсiмiн, жеделдетiлген оңалту рәсiмiн қолдану кезiнде борышкердi сауықтыруға бағытталған және жұмыс iстеп тұрған кәсiпорынның төлемге қабiлеттiлiгiн қалпына келтiру және жұмыс орындарын сақтау мақсатында борышкер мен кредиторлардың, бiртектi кредиторлар тобының арасындағы өзара келiсiм негiзiнде жүзеге асырылатын, кредиторлар талаптарын өтеу кестесiн қоса алғанда, iске асырылу мерзiмдерi, сондай-ақ қол жеткiзiлетiн нәтижелер, пайдаланылатын ресурстар және ықтимал тәуекелдер көрсетiлетiн өзара байланысты iс-шаралар кешенi; 22) оңалту рәсiмi – сот рәсiмi, оның шеңберiнде төлемге қабiлетсiз борышкерге борышкердiң таратылуын болғызбау мақсатында оның төлемге қабiлеттiлiгiн қалпына келтiруге бағытталған қайта ұйымдастыру, ұйымдастыру-шаруашылық, басқарушылық, инвестициялық, техникалық, қаржылық-экономикалық, құқықтық және Қазақстан Республикасының заңнамасына қайшы келмейтiн өзге де шаралар қолданылады; 23) санация - оңалту шарасы, оның барысында борышкер мүлкiнiң иесi (ол уәкiлеттiк берген орган), кредиторлар немесе өзге де тұлғалар дәрменсiз борышкерге қаржылық көмек көрсетедi, сондай-ақ борышкердiң резервтерiн жұмылдыру мен оның қаржы-шаруашылық жағдайын жақсарту жөнiнде өзге де шаралар кешенi iске асырылады; 24) сырттай байқау - борышкер мүлкiнiң сақталуын қамтамасыз ету, әдейi және жалған банкроттық белгiлерiн анықтау, борышкердiң қаржылық жай-күйiне, төлем қабiлетiн қалпына келтiру мүмкiндiгiн немесе мүмкiндiгiнiң жоқтығын айқындау, сондай-ақ кредиторлар алдындағы мiндеттемелерiн орындаудан жалтару жөнiндегi iс-әрекеттерiне (әрекетсiздiгiне) талдау жүргiзу, кредиторлар тарапынан борышкердiң қаржы-шаруашылық қызметiнiң жай-күйiне, оларды қайта ұйымдастыруды жүргiзуiне бақылау жасау, негiзгi құралдарды иелiктен айыру, мүлiктi кепiлге немесе жалға беру бойынша мәмiлелер, сондай-ақ орындалуы борышкерге залал келтiруi мүмкiн нарықтық бағадан айтарлықтай төмен бағамен не жеткiлiксiз негiздер бойынша өзге де мәмiлелер жасалуына банкроттық туралы iс қозғалғанға дейiн сот енгiзетiн рәсiм; 25) сырттай байқау әкiмшiсi - сырттай байқау рәсiмiн жүргiзу үшiн белгiленген тәртiппен тағайындалған тұлға; 25-1) сырттай дауыс беру – дауыс беру тәсiлi, онда кредиторлар жиналысы уақытында оның өткiзiлу орнынан тыс жерде болған кредиторлар жиналысының қатысушысы қаралатын мәселе (мәселелер) бойынша хаттар, факсимильдi немесе электрондық хабарламалар алмасу арқылы немесе жiберiлетiн хабарламалардың тең түпнұсқалығын қамтамасыз ететiн өзге байланыс құралдарын пайдалана отырып, жазбаша дауыс беруге құқылы; 26) төлем қабiлетсiздiгi - борышкердiң ақшалай мiндеттемелерiн және өзге де ақшалай сипаттағы талаптарды орындау мерзiмi басталған кезден бастап үш ай iшiнде оларды орындауға қабiлетсiздiгi.

Ескерту. 1-бап жаңа редакцияда - ҚР 2001.07.11. N 239 Заңымен, өзгерiс енгiзiлдi - ҚР 2004.04.08. N 542 , 2006.01.10. N 115 (ресми жарияланған күнiнен бастап қолданысқа енгiзiледi), 2006.01.31. N 125 (қолданысқа енгiзiлу тәртiбiн 2-баптан қараңыз), 2008.07.05 N 60-IV (қолданысқа енгiзiлу тәртiбiн 2-баптан қараңыз), 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi), 21.06.2013 N 106-V (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңдарымен.

Лучшие юристы

Адвокат Тустаев Толеген Жангелдинович +77082675787, +77751122089 Telegram-WhatsApp Выезд в регионы либо онлайн

---

Арман

---

Александр

---

michaelbates

---

Erik

---

Все юристы

Вы юрист? Нужны новые клиенты?
Разместите информацию о себе
Зарегистрироваться