Ваш гид в законодательстве Казахстана

Каз Рус

Банкроттық туралы
2-бап. Заңның қолданылу ерекшелiктерi



Ст. 2 Банкроттық туралы



1. Осы Заң қазыналық кәсiпорындардан және мекемелерден, ерiктi жинақтаушы зейнетақы қорларынан, банктерден, сақтандыру (қайта сақтандыру) ұйымдарынан басқа, заңды тұлғалардың банкроттығы, оларды жеделдетiлген оңалту және оңалту туралы iстерге қолданылады.

Осы Заңда көзделген банкроттық немесе оңалту рәсiмдерiн үздiксiз өндiрiс циклi бар ұйымдарға, сондай-ақ табиғи монополия субъектiлерi немесе тауар нарығында үстем (монополиялық) жағдайға ие нарық субъектiлерi болып табылатын ұйымдарға қатысты қолдану ерекшелiктерi Қазақстан Республикасының заңнамасында белгiленуi мүмкiн.  

Қазақстан Республикасының заңнамалық актiлерiнде ерiктi жинақтаушы зейнетақы қорларына, банктерге, сақтандыру (қайта сақтандыру) ұйымдарына және кейбiр басқа да заңды тұлғаларға қатысты осы Заңда көзделген банкроттық рәсiмдерiн қолдану ерекшелiктерi белгiленуi мүмкiн.

Сот банктi банкрот деп тану туралы шешiм қабылдаған жағдайда, оны тарату банк заңдарына сәйкес жүзеге асырылады.

Сот сақтандыру (қайта сақтандыру) ұйымын банкрот деп тану туралы шешiм қабылдаған жағдайда оны тарату сақтандыру iсi және сақтандыру қызметi туралы заңдарға сәйкес жүзеге асырылады. 2. Осы Заң Қазақстан Республикасының жеке кәсiпкерлiк туралы заңнамасымен реттелмеген бөлiгiнде жеке кәсiпкерлердiң банкроттығына қолданылады. 3. Банкроттық, оңалту немесе жеделдетiлген оңалту туралы iстердi сот банкроттық туралы заңнамада белгiленген ерекшелiктердi ескере отырып, азаматтық сот iсiн жүргiзудiң жалпы қағидалары бойынша қарайды. 4. Табиғи монополиялар субъектiлерi немесе тауар нарығында үстем (монополиялық) жағдайға ие болған нарық субъектiлерi болып табылатын, не Республиканың экономикасы үшiн зор стратегиялық маңызы бар, азаматтардың өмiрiне, денсаулығына, ұлттық қауiпсiздiкке немесе қоршаған ортаға ықпал ете алатын ұйымдар банкрот болған, сондай-ақ мемлекеттiң бастамашылығымен банкрот деп танылған жағдайда, Қазақстан Республикасының Үкiметi азаматтар мен мемлекеттiң мүдделерiн қорғау мақсатында конкурстық массаны өткiзудiң ерекше шарттары мен тәртiбiн және конкурстық масса объектiлерiн сатып алушыларға қосымша талаптар белгiлеуге, сондай-ақ акцияларының пакеттерi (қатысу үлестерi) Қазақстан Республикасының заңнамасына сәйкес стратегиялық объектiлерге жатқызылған ұйымдардың немесе Республиканың экономикасы үшiн маңызды стратегиялық мәнi бар ұйымдардың банкроттығы кезiнде конкурстық массаны ұлттық басқарушы холдингтiң сатып алуы туралы шешiм қабылдауға құқылы. 5. Шаруашылық және өзге де қызметтiң экологиялық қауiптi түрлерiн жүзеге асыратын заңды тұлғалар банкрот болған кезде Қазақстан Республикасының Экологиялық кодексiне сәйкес олардың қызметiне мiндеттi экологиялық аудит жүргiзiледi.

Ескерту. 2-бапқа өзгерiс енгiзiлдi - ҚР 1998.07.01 N 256 , 2000.12.18 N 128 , 2001.03.02 N 162 , 2001.07.11 N 239 , 2005.07.08 N 71 (қолданысқа енгiзiлу тәртiбiн 2-баптан қараңыз), 2006.01.10 N 115 (ресми жарияланған күнiнен бастап қолданысқа енгiзiледi), 2007.01.09 N 213 , 2008.07.05 N 60-IV (қолданысқа енгiзiлу тәртiбiн 2-баптан қараңыз), 2009.02.13 N 135-IV (қолданысқа енгiзiлу тәртiбiн 3-баптан қараңыз), 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi), 21.06.2013 N 106-V (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңдарымен.

Статья 1 1-1 2 3 4 ...107 

Перейти к статье
Скачать бесплатно Банкроттық туралы 

Задать вопрос на юридическом форуме



Добавить комментарий к 2-бап Банкроттық туралы