Ваш гид в законодательстве Казахстана

Каз Рус

Банкроттық туралы
36-бап. Борышкердi банкрот деп тану туралы шешiм



Ст. 36 Банкроттық туралы



1. Соттың борышкердi банкрот деп тану және конкурстық iс жүргiзудi қозғау туралы шешiмi мынадай жағдайларда: 1) iс қозғалған кезден бастап екi айдан аспайтын мерзiмде соттың iстi қарауы барысында борышкер өзiнiң қабiлеттiлiгiн дәлелдей алмағанда; 2) iс қозғалған кезден бастап отыз күннен аспайтын мерзiмде, оның дәрменсiздiгiн растайтын құжаттарды қоса борышкердiң өз жауабында дәрменсiздiгiн мойындағанда; 3) iс қозғалған кезден бастап он күннен аспайтын мерзiмде, оның дәрменсiздiгiн растайтын құжаттарды қоса борышкер өзiн банкрот деп тану туралы арыз бергенде шығарылады. 4) алып тасталды - ҚР 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен; 5) алып тасталды - ҚР 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен; 6) алып тасталды - ҚР 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен. 2. Соттың борышкердi банкрот деп тану туралы шешiмiнде: 1) борышкердi тарату туралы; 2) уәкiлеттi органға конкурстық басқарушыны тағайындауға тапсырма беру туралы; 3) шешiм шығарылғанға дейiн сотқа жүгiнген кредиторлардың мәлiмделген талаптарының сомасы туралы; 4) борышкердiң лауазымды тұлғаларының құрылтай, қаржы және оның мүлкiне құқық белгiлейтiн құжаттарын, сондай-ақ борышкердiң мөрiн конкурстық басқарушыға ол тағайындалған күннен бастап үш жұмыс күнiнен кешiктiрiлмейтiн мерзiмде беру туралы нұсқаулар болуға тиiс. 2-1. Уәкiлеттi орган конкурстық басқарушыны соттың борышкердi банкрот деп тану туралы шешiмi күшiне енген күннен бастап бес жұмыс күнiнен кешiктiрiлмейтiн мерзiмде тағайындайды. 3. Конкурстық басқарушы борышкердi банкрот деп тану және конкурстық iс жүргiзудi қозғау туралы хабарландыруды Қазақстан Республикасының бүкiл аумағында және борышкердiң тұрған жерi бойынша тиiстi әкiмшiлiк-аумақтық бiрлiкте таратылатын, белгiленген тәртiппен нормативтiк құқықтық актiлердi ресми жариялау құқығын алған мерзiмдi баспасөз басылымдарында қазақ және орыс тiлдерiнде өзi тағайындалған күннен бастап он жұмыс күнiнен кешiктiрiлмейтiн мерзiмде жариялайды.

Борышкердi банкрот деп тану туралы жарияланымда: 1) борышкердi банкрот деп тану туралы шешiм шығарған соттың атауы; 2) банкроттың атауы және орналасқан жерi;  2-1) күшi жойылды - ҚР 2012.01.12 N 538-IV (2013.01.01 бастап қолданысқа енгiзiледi) Заңымен;

2-2) банкротты сәйкестендiретiн мәлiметтер (сәйкестендiру нөмiрi, дара кәсiпкердi мемлекеттiк тiркеу туралы, заңды тұлғаны мемлекеттiк тiркеу туралы); 3) жарияланым шыққан күннен бастап екi ай мерзiм iшiнде өздерiнiң борышкерге қоятын талаптарын табыс ету қажеттiгi туралы кредиторларға хабарлама болуға тиiс.

Ескерту. 36-бап жаңа редакцияда - ҚР 1998.07.01 N 256 Заңымен, өзгерiс енгiзiлдi - ҚР 2000.12.18. N 128 , 2001.03.02. N 162 , 2001.07.11. N 239 , 2006.01.10. N 115 (ресми жарияланған күнiнен бастап қолданысқа енгiзiледi), 2008.07.05. N 60-IV (қолданысқа енгiзiлу тәртiбiн 2-баптан қараңыз), 2011.01.11 № 385-IV (ресми жарияланғанынан кейiн күнтiзбелiк он күн өткен соң қолданысқа енгiзiледi), 2012.01.12 № 538-IV (қолданысқа енгiзiлу тәртiбiн 2-баптан қараңыз), 2012.02.17 № 564-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi), 2012.04.27 N 15-V (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңдарымен.

Статья 1 ...34 35 36 37 37-1 ...107 

Перейти к статье
Скачать бесплатно Банкроттық туралы 

Задать вопрос на юридическом форуме



Добавить комментарий к 36-бап Банкроттық туралы