Ваш гид в законодательстве Казахстана

Каз Рус
< Демпингке қарсы шаралар туралы

Демпингке қарсы шаралар туралы
12-бап. Демпингке қарсы iстi қарау рәсiмiн бастау туралы не одан бас тарту туралы шешiм



Ст. 12 Демпингке қарсы шаралар туралы



1. Демпингке қарсы iстi қараудың басталуы туралы не одан бас тарту туралы шешiмдi уәкiлеттi орган арыз қабылданған кезден бастап 30 күн iшiнде, осы Заңның 8-10-баптарының талаптары сақталған жағдайда берiлген барлық деректердi зерделеу негiзiнде қабылдайды.

1-1. Демпингке қарсы iстi қарау рәсiмiнiң басталуы туралы шешiм қабылдағанға дейiн уәкiлеттi орган, мүдделi мемлекет үкiметiнiң хабарламасын қоспағанда, келiп түскен арыз туралы ақпаратты жария етпейдi.

2. Демпингке қарсы iстi қарау рәсiмiнiң басталуы туралы шешiм қабылданғаннан кейiн уәкiлеттi орган "Нормативтiк құқықтық актiлер туралы" Қазақстан Республикасының Заңымен  белгiленген ресми басылымдарда хабарлама жариялайды және хабарламаны мүдделi тұлғаларға жiбередi.

3. Демпингке қарсы iстi қарау рәсiмiнiң басталуы туралы хабарламада мынадай ақпарат болуға тиiс:
1) демпингке қарсы iстi қарауды өткiзетiн уәкiлеттi органның атауы;
2) экспорттаушы елдiң немесе елдердiң атауы және жеткiзiп берiлуi демпингке қарсы iстi қараудың мәселесi болып табылатын тауардың атауы;
3) демпингке қарсы iстi қараудың басталатын күнi;
4) iстi қараудың басталуы үшiн негiздеме;
5) арыздың заңдылығын растайтын фактiлердiң қысқаша мазмұны;
6) iспен танысуға, өз пiкiрiн айтуға және мүдделi тұлғалардың кездесулерiн өткiзуге мүмкiндiк алу үшiн мүдделi тұлғалар уәкiлеттi органға өз өтiнiштерiн беруге тиiстi болатын шектегi мерзiмдер.

3-1. Егер уәкiлеттi орган жекелеген мүдделi тұлғаға демпингке қарсы iстiң басталғаны туралы хабарлама жiберсе, онда ол бұл хабарламаның өзге де мүдделi тұлғаларға қол жетiмдi болуын қамтамасыз етуге тиiс.

4. Демпингке қарсы iстiң қаралуын өткiзуден бас тарту туралы шешiм қабылданған жағдайда уәкiлеттi орган шешiмi қабылданған күннен бастап он күн мерзiмде бұл жөнiнде арыз берушiге хабарлап, бас тартудың себептерi мен негiздемесiн көрсетуге тиiс.

5. Уәкiлеттi орган алған дәлелдемелер, құпия болып табылатын ақпараттардан басқасы, демпингке қарсы iстi қарауға қатысатын барлық мүдделi тұлғаларға табыс етiледi.

Ескерту. 12-бапқа өзгерту енгiзiлдi - Қазақстан Республикасының 2006.01.09. N 114 Заңымен. 3-тарау. Демпингтiң болуын белгiлеу тәртiбi

Статья 1 ...10 11 12 13 14 ...43 

Перейти к статье






Добавить комментарий к 12-бап Демпингке қарсы шаралар туралы