Ваш гид в законодательстве Казахстана

Каз Рус

Печать

Арнайы экономикалық аймақтар туралы
9-бап. Өтініш берушілерге қойылатын талаптар

Ст. 9 Арнайы экономикалық аймақтар туралы 2011 жылғы 21 шілдедегі № 469-IV


Действующий с изменениями и дополнениями. Проверено 20.04.2018
1. Арнайы экономикалық аймақтың қатысушысы ретінде қызметті жүзеге асыруға өтінім беретін өтініш берушінің техникалық-экономикалық негіздемеге сәйкес келетін мөлшерде қаржылық қамтылымы болуға тиіс. 

Арнайы экономикалық аймақтың қатысушысы ретінде қызметті жүзеге асыруға өтінім беретін өтініш берушінің қаржылық қамтылымы мынадай тәсілдермен: 

1) ақшамен; 

2) банк кепілдігімен; 

3) кепілгерлікпен; 

4) мүлік кепілімен; 

5) сақтандыру шартымен қалыптастырылады. 

Арнайы экономикалық аймақтың қатысушысы ретінде қызметті жүзеге асыруға өтінім беретін өтініш беруші қаржылық қамтылым тәсілдерінің кез келгенін, оның ішінде екі немесе бірнеше тәсілді біріктіріп қолдану жолымен таңдап алуға құқылы. 

2. Өтініш берушілерге: 

1) жер қойнауын пайдаланушылар; 

2) "Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 462-бабы бірінші бөлігінің 6) тармақшасында көзделген акцизделетін тауарларды өндіруді, құрастыруды (жинақтауды) жүзеге асыратын ұйымдарды қоспағанда, акцизделетін тауарларды өндіретін ұйымдар; 

3) арнайы салық режимдерін қолданатын ұйымдар; 

4) 2008 жылғы 10 желтоқсандағы "Салық және бюджетке төленетін басқа да міндетті төлемдер туралы" Қазақстан Республикасының Кодексі (Салық кодексі) қолданысқа енгізілгенге дейін көзделген инвестициялық салық преференцияларын қолданатын (қолданған) ұйымдар; 

4-1) Қазақстан Республикасының инвестициялар туралы заңнамасына сәйкес инвестициялық басым жобаны және инвестициялық стратегиялық жобаны іске асыратын (іске асырған) ұйымдар; 

5) ойын бизнесін ұйымдастырушылар жатпайды. 

Ескерту. 9-бапқа өзгерістер енгізілді - ҚР 18.02.2013 № 79-V (алғашқы ресми жарияланғанынан кейін күнтізбелік он күн өткен соң қолданысқа енгізіледі); 03.12.2013 № 151-V (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 27.10.2015 № 362-V (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 25.12.2017 № 122-VI (01.01.2018 бастап қолданысқа енгізіледі) Заңдарымен.
Статья 1 ...7 8 9 10 11 ...33

Перейти к статье






Добавить комментарий к 9-бап Арнайы экономикалық аймақтар туралы 2011 жылғы 21 шілдедегі № 469-IV